Matayo 21:31 - MMA SHIYYA

³¹ A kari ka vandu va vavili nuungau andetana kilya kindesenya ndee naań? Vakanumbua: Ni ulya wa mbele. Yesu kavaia: Nkue nkue namuia: Vasańiṛya kyaalo na vaka va shia wwo vamubookyaa ini yaka umangiń lwa Iṛuva.

Matayo 21:31 ပူးပေါင်းရင်းမြစ်များ

Luka 7:29

Na vandu vandearanya Yohane na akwaa wasaṅiṛia kyaalo wo vakairikia mifurie ya Iṛuva veekubatisio̱o̱ ubatiso lwa Yohane.

Matayo 7:21

Nta ni nndu woose ashisendaa Nndumi Nndumi afikaa umangiń lwa iṛuvewu ndi kita ulya akee itana filya Nde yakwa wa iṛuvewu afurie.

Barua ya Petiro ya kavili 3:9

Nndumi asindaa yawutia kirero kilya kirekie ndi, sheeli vengi vakee ikusaṛa sheeli ansinda. Kake kiimba kyanu asisiriaa, fulya afurie nta nndu areke ndi, kake woose vailashike vakurre.

Barua ya Varome 5:20

Kake ivavaso lindeaka, amu ireko lia live inini nnu. Kake alya ireko lindeṅina wwo ililia likava iingi kya mmwasi.

Barua ya Varome 3:19

Kyasia ise tiishi sheeli findo foose firerwaa mmavavaso akee irera na iwo vakee kwa si ya mavavaso, amu kana kaase karaywa na isanga lyoose likaa kwa si ya uumisio lwa Iṛuva.

Matayo 20:16

Na Yesu kaia vandu: Kyasia valya va numa vavaa va mbele na valya va mbele vave va numa. Amu valya vakee vavaange vveengi, kake valya vasaulwaa vvaangu.

Mitanie ya varumi 17:30

Kyasia Iṛuva ameeṛa feeri filya fa utondo lwa vandu mungo. Kake alli akee iṛaṛika vandu woose na vakava kwi vailashike mirima yawo.

Luka 19:22

Nae kamwia: Iwe iketi ikasha, kwa firero fafo mfo nkuumisiaa nafo. Ili kwiishii sheeli nkee nndu wa kiṅushu, noondua kindo andu ntakifisie na iilula ntandeveekia,

Luka 15:10

Nań namuia: Mfo kuro livaa ifura kwa vamalaika va Iṛuva kiimba kya nndu umwi nreti eelashika.

Matayo 18:3

Kanumbua: Nkya dede namuia: Kwakooya kitaare mweelashika muve va mikae ya fivana, nta mwakaa ifo umangiń lwa iṛuvewu kutu ndi.

Matayo 12:50

Amu nndu woose atanaa kilya Nde yakwa wa iṛuvewu afurie, ito yye mwanama na mfwama na yeyo wakwa.

Matayo 9:9

Ili Yesu andeuka Kaperinaumu, kalolya nndu eekee rembo numba ya kyaalo, avaangwaa irina lyamwi Matayo. Kamwia: Shisoṛa! Nae kakwimboo kansoṛa.

Matayo 6:5

Lingi ili mwiterevaa, manya mutave sha vamakavili. Amu vafurie nnu itereva vaselele ifo numba ta iterevya na ifo mbaai ya shia ta miri, amu valolyo vvandu. Nkue namuia: Vammaa ikooya maṛe awo.

Matayo 5:18

Nkue namuia kikee kya dede: Iṛuvewu na isanga fisyaa, kake iifo nta mitisine itisiṛie mavavasoń irekaa ndi, kumande foose faawukyaa.

Matayo 5:46

A kwakooya mwakunda iwo vamukundye ini, ni isekye lingali mukooyaa? A vasańiṛya kyaalo nkuro vatanaa da ndi?

Matayo 21:30

Kaenda kwa ulya wa kavili kamwia kilya kyeni. Nae kaaṛua kanumbua: Ee nndumi, nkee yenda, nta ikyenda.

Yohane 3:3

Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Yohane 3:5

Yesu kamwaṛua: Nkue nakuia kya dede: Kwakooya nndu atairiwaa auka na mura na Mumuyo wa Iṛuva, amakii ifika umangiń lwa Iṛuva ndi.