15 Kake vakohani vanini na vaaṛia va mitisine ili vandelolya maṛiikiso wo na vana veekabaa mindoṛo ifo numba ya Iṛuva veenumbuaa: Tikiṛe, Mwana wa Davidi, vakatuṛuka.
Na vandu valya veekee mbele yamwi na valya veekee numa yamwi vakankabya nndoṛo veereraa: Osiana iwe Mwana wa Davidi! Eetikiswa ulya asha na irina lya Nndumi! Osiana iwe mangi ya iṛuvewu!
Ili eeloshaa vandu nkonu umwi ifo numba ya Iṛuva na ivaongoya nrumi shisha ya ikia, vakohani vanini vakanshea kwa tiń andu emwi na vaaria va mitisine na vasuṛi.
Kyasia ili vandemaa ifika ifo numba ya Iṛuva eevaloshaa, kashewa vvakohani vanini na masiingo a vandu. Vakanumbua: Nkwa muumu wa ngata ingai ili kwatana findo sha ifi? Na ito akuniingye muumu to ni i?