Matayo 20:21 - MMA SHIYYA

²¹ Nae kamwia: Nkiki kufurie? Kamwia: Numbua, vana va vakwa vavili vakaa umwi taari ya uko usha lwafo na ungi taari ya uko umbuyo lwafo ifo umangiń lwafo.

Matayo 20:21 ပူးပေါင်းရင်းမြစ်များ

Matayo 19:28

Yesu kavaia: Nkya dede namuia: Kyeeri isanga lyaṛulwaa iiya, ili Mwana wa nndu akaa kifumbiń kya unini lwamwi, io llyo neeni mundeshisoṛa niń mukooyaa fifumbi ikumi na fivili, mushilye ngyufwari tilya ikumi na ivili ta Isiraeli.

Matayo 18:1

Kyasia saa ilya sheni vaseṛo valya va Yesu vakasha na io akai vakamwuṛa veenumbuaa: Nuungau akee nnini ifo umangiń lwa iṛuvewu?

Mitanie ya varumi 1:6

Na valya veekusandiee-wo vakamwuṛa: A le Nndumi, kyeeri kyo kikamfika Uyo kuwiiṛiaa vandu va Isiraeli umangi lwawo?

Mariko 6:22

Llyo mwana ulya wa sambuṛa wa Herodia kasha na-wo kaara. Kasenya Herode andu emwi na valya veekee rembo nae imutuń. Mangi kaia mwana ulya wa sambuṛa: Shitereva kindo kyoose kukundie, nań nkikuniingaa.

Matayo 20:32

Yesu kasalala kavavaanga kavaia: Mufurie mmutanye ki?

Barua ya Vakolosai 3:1

Kyasia kwakooya mwandutwa andu emwi na Kristo, ṛuyeń kilya kikee ule kundo Kristo akai akee rembo uko usha lwa Iṛuva.

Barua ya Varome 12:10

Mukundani na ngoo sha vana va nka, lingi mwelekiani na ikwiria sonu ini mu veni na mu veni!

Yohane 15:7

Mukankaa mukulungie nań na firero fakwa likankaa mirimiń yanu muterevaa kindo kyoose mufurie nakyo mwawutio̱o̱.

Luka 22:24

Likava ivingana kari kawo kya ulya alolio̱ akee nnini ifo kwawo.

Luka 19:11

Ili vandeita mboni ito, nae kaengeṛia irera na sumu, amu ye eekee kufui na Yerusalemu. Nawo vakakusaṛa sheeli umangi lwa Iṛuva lulolikaa kwa limwi.

Luka 18:41

Nkiki kufurie nkutanie? Nae kamwia: Nndumi, mfurie llolie.

Mariko 10:51

Yesu kamwia: Kufurie nkutanie ki? Ndoń ulya ukamwia: Llosha wakwa, mfurie llolie.

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Mariko 16:19

Kyasia ili Nndumi andemaa irera nawo kuri, kasaamiswa iṛuvewu kakaa rembo taari ya uko usha lwa Iṛuva.

Matayo 20:22

Yesu kaaṛua kanumbua: Mwishi kilya mukee itereva ndi. A naań, mumakii inwa umbata lu niń nnwaa? Vakamwia: Timakii da.