Matayo 2:11 - MMA SHIYYA

¹¹ Vakaaka kulya numba vakalolia mwana andu emwi na Maria mae wamwi. Vakawwoya vakamwitikisa. Vakaboṛomua mikusha yawo vakanniinga masaa, nsaabu na findo fa kisaamu.

Matayo 2:11 ပူးပေါင်းရင်းမြစ်များ

Luka 2:16

Vakaenda veerishaa vakakooya-fo Yosefu na Maria na mwana ulya eeaṛiee mundiń.

Matayo 2:2

Mangi uu wa Vayuda andeiriwa alli nkwi akai? Fulya tallolia nyinyiri yamwi kulya taari ya ngama, neese tansha imwitikisa.

Urambuyo lwa Yohane 19:10

Nań nawa marendeń amwi, amu mmwindie. Kashiia: Manya kutatane kuro! Niń nkee mwelekia wafo na wa vanavamae vafo vakee varambua va Yesu. Ulya kyawara kumwindie ni Iṛuva. Amu irambua Yesu ni iirikia Mumuyo wa wauya.

Matayo 14:33

Na valya veekee ngalaveń vakawwoya veenumbuaa: Nkya dede iwe kukee Mwana wa Iṛuva.

Urambuyo lwa Yohane 5:8

Ikammaa iwaria kitabu kilya makindo alya akawa si mbele ya ngarina ii, na vasuṛi valya makumi avili na vaani nawo. Oo umwi wawo eeworee kilimbi na faasho fa saabu fiishule fisaamu, mfo fiterewo fa vasongori.

Luka 2:38

Kasha na alya vakai kyeeri kilya kyeni kaitikisa Iṛuva kaongoya vandu mboni ta mwana ulya valya veekee iverea ikiṛwa kulya Yerusalemu.

Matayo 1:18

Kyasia iiriwa lya Yesu lyave kuri: Mae wamwi Maria eefingyoo ni Yosefu. Na kitaare veensangyaa andu emwi kamanyika sheeli akufingye kwa finya ya Mumuyo Nsongori.

Matayo 2:10

Neeli vandelolia nyinyiri ilya, vakafura nnu.

Matayo 12:46

Ili eekireraa na isyamu lia lya vandu, mae na vanawo vakasha. Vakasalala io wooṛo vakafura irera nae.

Yohane 19:39

Nikodemo nae kasha na-wo ulya andenshea lya mbele kyeeri kya kio. Kasha arie mafura usaandisaandi na miri ya kisaamu afitie kyelelio kya ratili iyana.