Matayo 17:27 - MMA SHIYYA

²⁷ Kake ise manya titavakangye vaute nsindaṛa kweru. Kyasia kwimboo enda kulya nruveń kwaolota-fo kiminya kya iwara makunga. Na ikunga lyo kubookaa ifiwara kuliimboo kulitaṛambue kana kayo, llyo kukooyaa-fo fesa imwi ya uuru. Iwara kuvaniingye ive kyaalo kyakwa na kyafo.

Matayo 17:27 ပူးပေါင်းရင်းမြစ်များ

Barua ya Vakorinto ya kavili 6:3

Kiimba kya iki tikee na useli, amu mashoṛa eru atabiṛwa.

Barua ya Vakorinto ya kavili 8:9

Amu mwammanya ililia lya Nndumi weru Yesu Kristo sheeli andeva nkiva kiimba kyeru, lla kasa eekee isimba, naamu ini mumakii iva masimba kiimba kya ukiva lwamwi.

Barua ya Vakorinto ya mbele 8:9

Ee, kake lleń imakii ili lyanu kaaṛa litakasheese valya vakee vatanyari.

Barua ya Vakorinto ya mbele 8:13

Kwa ikyo shoonga yakwa ikanteveta mwanamae wakwa, nta llyaa nyama tilya miṛeṛe ndi, amu ntatevete mwanamae wakwa.

Barua ya Varome 14:21

Nkisha ilea ilya nyama ana inwa wari ana itana kindo kyoose kilya kitevetaa mwanamae wafo.

Barua ya Vatesalonike ya mbele 5:22

Iwukaniń na filya foose fikee fikasha.

Yohane 6:61

Na Yesu kamanya ye muni ifo nrimiń sheeli vanalosho vamwi vakee iṅuṅuria kirero kyo. Kavaia: A kirero kyo kyamuvia nsindaṛa?

Matayo 5:29

Na kwakooya iriso lyafo lya uko usha likwendye nsindaṛa, liiṛue kwalikumba neefo likuuke. Amu llyo ńwana kyeenga kyafo kimwi kireke kita ili vvili wafo woose weeṛwaa muroń utarunyikaa.

Matayo 5:30

Na kwakooya uko lwafo usha lu-kwendye nsindaṛa, luminye kwalukumba neefo lukuuke. Amu llyo ńwana kyeenga kimwi kireke kita ili vvili wafo woose weeṛwaa muroń utarunyikaa.

Matayo 17:26

Nae ili andenumbua: Nkwa vengi, Yesu kamwia: Kyasia kwakooya nkuro, vana waotoṛe.

Matayo 18:6

Kake ulya akasheesaa iva vannya na akwaa ni umwi tubu, kyawara afingyo isewe sungoń yamwi na yeeṛwa eeṛwa kirunduminy kya nruva.

Matayo 18:8

Na kwakooya uko lwafo ana urende lwafo fikwendee misindaṛa, fiminyi-fo kwalikumba neefo! Llyo ńwana ifika muuń kukee kisaya kitawore uko ana urende, kita ifi kuvaa na maako avili ana marende avili kweeṛwa muroń utakisiaa.

Mariko 9:42

Na ulya woose atevetaa umwi wa iwo vannya vashikusurie, llyo ṅwana afingyo̱ isewe sungoń yamwi na yeeṛwa nruveń.

Mariko 9:43

Na uko lwafo lukankuteveta, luminyi! Llyo ṅwana yaka muuń kutuṛie yeeṛo limwi kita iva na maako avili na yeeṛwa muroń utarunyikaa.

Luka 17:2

Kivaa ṅwana nndu to afingio̱ isewe sungoń yamwi na indeeṛwa ifo nraveń, kita akasheesa umwi wa iva vannya.