Matayo 14:19 - MMA SHIYYA

¹⁹ Kavavasa vandu vakaariswa rembo ifo maṛeń. Kawaria mikate ilya iraanu na makunga alya avili. Kalla iṛuvewu kaana Iṛuva. Kafukyafukya mikate ilya kaniingya vanalosho na vanalosho vakandeavya vandu.

Matayo 14:19 ပူးပေါင်းရင်းမြစ်များ

Luka 24:30

Kyasia ili eekee rembo andu emwi nawo valye shoonga, kaimboo nkate kaana Iṛuva kafukyafukya kavaavia.

Mitanie ya varumi 27:35

Neeli andemaa irera kuro kaimboo nkate kaana Iṛuva mbele yawo woose kaufukya kabooka ilya.

Mariko 6:41

Kawaria mikate ilya iraanu na makunga alya avili. Kalla iṛuvewu kaana Iṛuva. Kafukyafukya mikate ilya vavaavie. Na makunga alya avili kavaavia woose.

Barua ya Vakorinto ya mbele 11:24

Ngyeń leń, uu ni vvili wakwa urawaa ufuń kiimba kyanu. Neeni veń vandu valyaa, amu mushikumbue niń.

Barua ya Varome 14:6

Ulya akee iindia mikonu aindia Nndumi nayo. Ulya akee ilya foose afiliya Nndumi, amu akee yaana Iṛuva. Na ulya atakee ilya foose atania Nndumi, nae akee yaana Iṛuva.

Barua ya Vakolosai 3:17

Na foose mukee itana na firero ana na mitanie mutane mukuvavie na Nndumi Yesu mwiaanaa Iṛuva Nde!

Barua ya Vakorinto ya mbele 10:16

Umbata lua lwa mboṛa tiluniingaa mboṛa ni itaṅaṛia se usao lwa Kristo? Nkate ulya tikee yufukyafukya ni itaṅaṛia se vvili wa Kristo?

Luka 9:14

Amu woomi vaiyo vafikie sha fiku firaanu. Kaia vanalosho vamwi: Endeień vandu wo vakaa rembo matoroto-matoroto, vandu makumi araanu araanu.

Mariko 7:34

Kalla na ule iṛuvewu kadia eemwiaa: Efata! Nkimwi na: Taṛambuka!

Barua ya Vakorinto ya mbele 10:31

Kyasia ili mwilyaa ana mwinwaa ana mwitanaa kindo kyoose, taniń foose five fa iṅinisa Iṛuva.

Yohane 6:23

Kyasia tikasha ngalava tingi tuuka kulya Tiberia tikafika kufui na alya valiya mikate, ili Nndumi ammaa yaana Iṛuva.

Mariko 6:39

Kavavavasa vakaarise woose rembo matorototoroto ifo maṛeń mashu.

Yohane 11:41

Kyasia vakauta-wo iwe lia. Yesu kaimboo miso amwi na ule kanumbua: Wui Nde, nakwaana, fulya kwanshaaranya.

Luka 22:19

Kaimboo nkate kaana Iṛuva. Kaufukyafukya kavaniingia eevaiaa: Uu ni wili wakwa uniingio̱o̱ kiimba kyanu. Neeni taniń kuro amu mushikumbue niń.

Luka 9:16

Nae kawaria mikate ilya iraanu na makunga alya avili. Kalla na ule iṛuvewu kaana Iṛuva kafiniinga mboṛa. Kaifukyafukya kaniingia vanalosho vamwi vaavie isyamu lia.

Matayo 14:18

Nae kavaia: Sheeridyeń findo fo na ia!

Luka 22:17

Kaimboo umbata kaana Iṛuva kanumbua: Ngyeń kwavień ini mu veni!