Matayo 13:24 - MMA SHIYYA

²⁴ Yesu kakabya vandu sumu ingi kanumbua: Umangi lwa iṛuvewu luvakani na nndu andeeṛa mbeu shinuru nremiń yamwi.

Matayo 13:24 ပူးပေါင်းရင်းမြစ်များ

Matayo 25:1

Umangi lwa iṛuvewu luvakani na sambuṛa ikumi tindeimboo taa tawo vakaenda indeondoṛa nndumi wa wali.

Matayo 20:1

Umangi lwa iṛuvewu luvakani na nndumi andekwimboo ngama aṛuye vandu va indundya nremiń yamwi.

Matayo 13:47

Na lingi umangi lwa iṛuvewu luvakani na nreyo undeolotwa nruveń ukawara makunga a mikae yoose iifo.

Matayo 22:2

Umangi lwa Iṛuva luvakani na mangi indeorisya nseṛo wamwi nka.

Matayo 13:37

Kaaṛua kanumba: Ulya andeeṛa mbeu shinuru mMwana wa nndu.

Luka 13:20

Kanumbua lingi: Nkiki vvakanisaa nakyo umangi lwa Iṛuva?

Luka 13:18

Numa nae kanumbua: Umangi lwa Iṛuva luvakani na kiki? Nalo lluvakanisaa na kiki?

Matayo 13:33

Kakabya sumu ingi kanumbua: Umangi lwa iṛuvewu luvakani na kindo kidookaa kya ifumbisa uru. Nndu nka kakiimboo kakisandasanda na uru tufaasho firaru. Nayo ikadooka yoose deń.

Barua ya Petiro ya mbele 1:23

Fulya mwamiiriwa lya kavili nta nna mbeu ikashaa ndi, kake nna ilya itakashaa, nkyo kirero kya Iṛuva kiwore muu kikaa kumande miṛeṛe.

Matayo 13:31

Kavakabya sumu ingi kavaia: Umangi lwa iṛuvewu luvakani na mbekye imwi ya karadali. Nndu andeimboo kandeeṛa ifo nremiń yamwi.

Matayo 18:23

Amu na akwaa ni Iṛuva atanaa kuro da. Ye avakye mangi ya vandu kunu isangeń yafura itala sile tamwi na vaṛundi vamwi tilya eewaakuyaa.

Matayo 13:19

Nndu woose aaranyaa kirero kya umangi atakimanyi, nkituva ulya ansheaa akyute-fo kilya kyeenroongwaa nrimiń wamwi. Uu yye andeeṛwa shień.

Matayo 3:2

Ilashikeń mirimiń yanu, fulya umangi lwa Iṛuva lwansha kufui.

Matayo 21:33

Aranyiń sumu ingi! Eeifoo nndu muyanumba, nae eeroongyee nnda wamwi wa misabibu. Kaulengetya na uvarile karema-fo na andu a ikamya nunda. Katanya-fo nganga ya iringa karwaa-fo varemi kaenda kyaaṛo.

Matayo 4:23

Nae kava akee ilengetya kulya Galilaya koose eeloshaa ifo numba tawo ta iterevya na yongoya vandu mboni ya ifura ya umangi lwa Iṛuva na ikiṛa saka toose na utanyari lukee miviliń ya vandu.

Barua ya Vakolosai 1:5

Tikamwaana kiimba kya filya mufiveree mundefisio̱ ifo iṛuvewu. Nafo mweemiitaa kwa kirero kya udede kirie nrumi shisha ya ikiṛwa ilya indefika kwanu.

Matayo 13:25

Ili vandu vanderekya ruoń, kituva kyamwi kikasha kikaeeṛa mbeu ta masinde kari ka umbi kikaenda.