Matayo 13:23 - MMA SHIYYA

²³ Na ito andeeṛwa uteriń unuru ito yye ulya akee yaranya kirero na ikimanya. Ito yye akee ivika filimu. Umwi kavika iyana, na ungi makumi arindaru na ungi makumi araru.

Matayo 13:23 ပူးပေါင်းရင်းမြစ်များ

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Yohane 15:16

Nta ni ini mundeshisaua ndi. Nniń nndemusaua na imuvavasa mwende mundevika nunda. Na nunda to tanu muvikaa tikaa matika woose. Na kyoose muterevaa Nde na irina lyakwa amuniingaa.

Matayo 12:33

Mukavveekya nri nnuru, to uvikaa nunda shinuru. Ana mukaweekya nri nkasha, nato uvikaa nunda shikasha. Amu nri urambulwaa nnunda tayo.

Matayo 13:8

Tingi tikawa uteriń unuru tikavika filimu. Kimwi kikavika iyana na kingi makumi arindaru na kingi makumi araru.

Barua ya Vakolosai 1:6

Na sheeli ikee ikwana isangeń lyoose na ivika nunda na ifumbuka, mfo kuro ifumbukie na kwanu da kuuka ilyo mundeiita mukamanya uwoo lwa Iṛuva sheeli llwa dede.

Matayo 3:8

Kyasia ṛundeń mashoṛa mesha a iilashika!

Luka 13:9

Nae kamwaṛua kamwia: Nndumi, utie mwaka uu da mbee, nuuremie na irwaa-fo kiroro! Eeba uvikaa nunda. Kwakooya utavikaa kusheń yuminya.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Barua ya Vakolosai 1:10

na yenda mwende weendo lusumani neeni mukee va Nndumi, amu asenywa deń ni ini, mwivikaa nunda ta mashoṛa woose manuru sha nri uvikaa nunda na yengeṛio̱ uṛango lwa imanya Iṛuva.

Barua ya Vaebrania 8:10

”Na ii yyo mma nnderekiana na numba ya Isiraeli mikonu ilya ikansia: Vveekyaa mavavaso akwa makusaṛoń awo na yatisiṛa ifo mirimiń yawo. Nań vvaa Iṛuva wawo, nawo vavaa vandu vakwa.

Barua ya Vaebrania 4:2

Amu nkya dede na akwaa ni ise tankwanisio̱ nrumi ya mboni shisha shawo. Kake kirero kilya kindeitiwa kindevaeleka ndi, fulya kitaare kindekusanda na ikusura lyawo.

Barua ya Vatesalonike ya kavili 2:10

na milembie yoose ya ukavili eelembaa nayo iwo vakee vareti, fulya iwo vandelea ikunda udede, amu vakiṛwa.

Barua ya Vatesalonike ya mbele 4:1

Kyasia lingi tamutereva, muṛe vanavama, na imufunda, amu mukee va Nndumi Yesu: Mwengeṛie utomari na iṛunda sheeli tammulosha ikaa na iṛunda na isenya Iṛuva.

Barua ya Vafilipi 4:17

Nta niikai llangie ifo five findo fa ishieleka ndi, kake nkee iṛuya nunda timilie ikundeń, nato mutaalio̱o̱ ni Iṛuva.

Barua ya Vakorinto ya kavili 9:10

Kake uu akee iniinga muveekia mbeu anniingaa na nkate wa ilya, yye amuniingaa neeni mbeu na iifumbuta, nae eengeṛiaa iilula lya usumani lwanu.

Mitanie ya varumi 17:11

Na vandu va veeworee windi kita valya va Tesalonike vakawaria kirero na warutu. Vakasaṛaana mitisine nkonu woose valle akwaa findo fo nkuro fikai.

Mitanie ya varumi 16:14

Nka umwi irina lyamwi ni Lidia akee nkumbi wa miseto itondoṛie akee wa muṛi wa Tiatira akusurie Iṛuva kataaranya. Na Nndumi kanrua nrima aware kisha firero filya Andererwa mPaulo.

Yohane 8:47

Ulya amilie kwa Iṛuva aitaa firero fa Iṛuva. Kwa ikyo ini mwisile ndi, fulya ini mutamilie kwa Iṛuva.

Luka 8:15

Kake mbeu ilya indewa uteriń unuru nkimwi na valya vaaranyaa kirero kilya vakakiwara na ngoo luteefo ukavili vakaira weendo usha, fulya vakee isisiria.

Mariko 10:15

Namuia kya dede: Ulya atawario̱o̱ umangiń lwa Iṛuva awore mikae ya mwana munnya, afikaa-fo kutu ndi.

Mariko 4:20

Na tilya tindeeṛwa uteriń unuru vvalya vakee yaranya kirero na ikiwaria. Na ivika nunda umwi kavika makumi araru na ungi makumi arindaru na kumande iyana.

Matayo 3:10

Na kyaaṛa kyammaa inulwa, na nri woose kitaare uvikaa nunda shinuru uminywaa na ikumbwa muroń.

Barua ya Vaebrania 6:7

Amu nrema likannwa fua ikee iikaba keengi, imirisaa filimu fa yelekia valya vakee irema iimiriswaa ni Iṛuva.

Luka 8:8

Na mbeu tingi tikawa uteriń unuru tikamia ukareeka fikannde mbeu shiingi. Ili Yesu andemaa irera ifi, karosa ununga kanumbua: Ulya woose awore marwi a yaranya aaranye!