Matayo 13:22 - MMA SHIYYA

²² Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Matayo 13:22 ပူးပေါင်းရင်းမြစ်များ

Barua ya Timoteo ya mbele 6:17

Valya vawore masaa meengi kunu isangeń vaikimbe, kaaṛa vatakwishike ana manya vatakusurani na usimba, amu lutaṛakanaa ree. Kake kyawara vaveree Iṛuva uu atiaviaa foose na ififumbuta tikawuura kisha.

Luka 8:14

Na mbeu ilya indewa kari ka miinga nkimwi na valya vaaranyaa kirero kilya vakaenda vakaimwa nngatara tawo ana masaa awo na ngyukesi tawo ta isanga li veeiraa weendo usha.

Luka 12:15

Nae kavaia: Muṛe kusembekeń unyuku lwa mikae yoose, amu kilya kiniingaa nndu muu mmasaa meengi ndi.

Barua ya Timoteo ya kavili 4:10

Amu Dema anshirea ankunda isanga li lya alli kaenda Tesalonike. Kiresike ameenda Galatia. Tito ameenda Dalimatia.

Matayo 13:7

Tingi tikawa miingeń. Miinga ikamia ikatifiṛa.

Luka 12:21

Nkuro nndu woose atanio̱o̱ ulya akee isaṅiṛia masaa amwi na ikusurana nawo meni atawore masaa a kwa Iṛuva.

Luka 21:34

Neeni kulleń ninsha kaaṛa mirima yanu itatanyaṛiswa mfindo fa ndewu sha ilafuka na findo ana inangwa wwari ana ikwareesa na findo fa isanga li, kaaṛa nkonu to utamushee kibashuka.

Mitanie ya varumi 8:18

Neeli Simon andelolia sheeli vandu vaniingwa Mumuyo Nsongori veekeṛio̱o̱ maako a varumi kavaendee fesa kanumbua:

Matayo 12:32

Nndu woose, areraa kirero kya iila Mwana wa nndu, ito alilyoo. Kake nndu, areraa kirero kya iila Mumuyo Nsongori, akooyaa ililyo nta isangeń ili lya alli ana nta isangeń lishaa numa ndi.

Matayo 13:39

Na kituva kilya kindeeṛa mbeu tilya ni Ndiingi. Na iilula ni nkonu ulya wa ifurumya. Na veelula vvamalaika va Iṛuva.

Matayo 13:40

Kyasia sheeli masinde asańiṛyoo na yeeṛwa muroń, mfo na ifurumya lya isanga li likaa live.

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Barua ya Vakorinto ya mbele 1:20

Nkwi ndango kwa dede akai? Nkwi mwaṛia wa fitabu akai? Nkwi valya veeshi ivinga fikweniń fa isanga li vakai? Naare? Iṛuva ariṅanisa uṛango lwa isanga li se?

Barua ya Vakorinto ya mbele 2:6

Lingi fiifo fa uṛango lwa dede tikee iia valya vamakii yawutia, kake mfa uṛango lwa isanga li ndi ana fa iwo vashiliaa isanga li varekaa ndi.

Barua ya Vakorinto ya mbele 2:8

Uṛango lu veetoṛio isanga li veelwishii nta umwi ndi. Amu kifo veelwishii, nta veekabiaa Nndumi muni unini nsalabeń ndi.

Barua ya Vakorinto ya mbele 3:18

Manya nndu atakulembe ye muni! Kwakooya nndu akulolia sheeli awore uṛango kari kanu na kari ka isanga li, ave sha ntondo, amu llyo akooyaa uṛango.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Barua ya Vagalatia 1:4

Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

Barua ya Vaefeso 2:2

akee wwo mwalatia kuuka mbele mwisoṛaa mifurie ya isanga li na iitikwa mmuyafinya ulya wa ringewu. Yye mumuyo ulya akee iṛunda mashoṛa kwa vandu valea Iṛuva.