Matayo 12:50 - MMA SHIYYA

⁵⁰ Amu nndu woose atanaa kilya Nde yakwa wa iṛuvewu afurie, ito yye mwanama na mfwama na yeyo wakwa.

Matayo 12:50 ပူးပေါင်းရင်းမြစ်များ

Luka 8:21

Kaaṛua kavaia: Yeyo wakwa na vanavama ni iwo vakee yaranya kirero kya Iṛuva na ikiwara.

Mariko 3:35

Amu nndu woose atanaa mifurie ya Iṛuva ito yye mwanama na mfwama na yeyo wakwa.

Yohane 15:14

Kyasia ini mukee ndoo takwa mukantana kilya nammuvavavasa.

Yohane 6:29

Yesu kaaṛua kavaia: Iva wwo mashoṛa a Iṛuva ni ikusura ito anderumwa yye.

Matayo 28:10

Llyo Yesu avaia: Manya mutaeṛee! Endeń mundeia vamwanamae vakwa vaende Galilaya. Mfo vandeshilolyaa.

Barua ya Varome 8:29

Amu valya eeveeshii kuuka ilyo kala avasaua kuuka ilyo kala vavakaniswa na fwana ya Mwana wamwi, amu ye ave vvele kari ka vanavamae veengi.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Barua ya Yohane ya mbele 2:17

Kake isanga lisiaa andu emwi na ilanga lyayo. Kake ulya ava mutana kilya Iṛuva afurie akaa miṛeṛe.

Matayo 25:40

Na mangi avaaṛuaa eevaiaa: Namuia kya dede: Kilya mwantanya vamwanamae vakwa iwo vannya na akwaa ni umwi tubu, mwanshitanya niń.

Barua ya Timoteo ya mbele 5:2

Iva vakyeku sha maa, vaka vakoo sha vamfwamae vafo na sonu shisha toose.

Barua ya Petiro ya mbele 4:2

Kuuka alli manya mutaengeṛie ilatia milangie ya kivandu, kake latień mifurie ya Iṛuva feeri fanu fikiseere fa ikaa kunu isangeń.

Barua ya Vagalatia 6:15

Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya.

Yohane 20:17

Yesu kamwia: Manya kutashibaane, amu nanrwa kwa Nde yakwa ndi. Enda kwa vanavamae vakwa kundevaia: Nkee irwa na ule kwa Nde yakwa akee na Nde yanu. Nkee irwa kwa Iṛuva wakwa akee na Iṛuva wanu.

Urambuyo lwa Yohane 22:14

Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.

Barua ya Vakolosai 3:11

Kyawa kuro llyo mukiuṛaa lingi ndi, kwakooya uu ni Ngiriki ana Muyuda ana nrine ana nndu atakee nrine ana mwini ana mmisa ana isinga ana atakee isinga, kake foose mfa Kristo, nae akuwore na ifi foose.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Mitanie ya varumi 17:30

Kyasia Iṛuva ameeṛa feeri filya fa utondo lwa vandu mungo. Kake alli akee iṛaṛika vandu woose na vakava kwi vailashike mirima yawo.

Matayo 17:5

Ili eereraa kuro, lia eni iṛumbe likasha liivaramaa likavaendye nruve. Na ununga lukauka iṛumbeń lia lwireraa: Uu mMwama wakwa ninkundye nammusaua. Uu yye mumwaranyaa!

Barua ya Vaebrania 5:9

Ili andemaa yawutio̱, kaendee valya woose vankusurie ikia lya miṛeṛe.

Barua ya Vakorinto ya kavili 11:2

Amu mmuworie iriso, ni iriso lya Iṛuva, amu nndemworisia nndumi umwi yye Kristo, mmurwaa kwamwi muve sha mwali nsongori.

Mitanie ya varumi 26:20

Kake nndeenda ikwanisia mbele valya va Damasiko na va Yerusalemu na numa kari ka uruka loose lwa Yudaya na vayavaṛumu woose veelashike mirima yawo na yaṛukia Iṛuva veetanaa mitanie isumani na miilashikie yawo.

Matayo 25:45

Llyo avaaṛuaa eevaiaa: Namuia kya dede: Filya kitaare mwantanya vamwanamae vakwa iwo vannya na akwaa ni umwi tubu, nta mwanshitanya nań ndi.

Barua ya Vakorinto ya mbele 9:5

Toore finya se ya ikualikia nka akee mfwamae wa kikristo sha varumi valya vengi na vanavamae va Nndumi na Kefa?

Matayo 12:49

Kasaaṛa uko andeorusa na alya vaseṛo vamwi vakai kanumbua: A wo yeyo wakwa na vaniru vakwa!

Matayo 13:1

Nkonu ulya muni Yesu kasomuka numba kakaa rembo mbaai ya nruva.