Matayo 12:34 - MMA SHIYYA

³⁴ Eeni uṛiti lwa shoka mumakii are irera finuru, neeni mukee vakasha? Amu ifo fiishule nrimiń wa nndu mfo kana kafireraa.

Matayo 12:34 ပူးပေါင်းရင်းမြစ်များ

Luka 6:45

Nndu nsha, afisie findo fisha ifo nrimiń wamwi, areraa ifo fisha. Na ito nkasha, ifo findoń famwi fa ukasha afisie nrimiń, areraa ifo fikasha. Amu kana ka nndu kareraa kilya kiishule nrimiń wamwi.

Matayo 15:18

Kake filya fuukaa ifo kaniń ka nndu fasomuka fuuka na nrimiń. Nafo mfo finiingaa nndu ukwe.

Barua ya Vaefeso 4:29

Kirero kyoose kikasha kitasomuke kaniń kanu, kake kilya kikee kisha kya yelekia ulya mutiṅwa, amu kisenye vaaranya.

Barua ya Yohane ya mbele 3:10

Io llyo vakee ilolika valya vakee vana va Iṛuva na valya vakee vana va Satana: Ulya woose atatanaa fa usumani aukie kwa Iṛuva ndi, na ulya atakundie mwanamae mfo kuro da.

Matayo 12:35

Na nndu awore fisha nrimiń mfo feni aavyaa vandu vengi da. Na nndu afisye fikasha nrimiń mfo feni da aavyaa vandu vengi.

Yohane 8:44

Ini mukee va nde yanu, nae nSatana. Na filya nde yanu alangie mfo musenywa ifitana. Ye eekee wwaa vandu kuuka mbele, ana nta akuwore na udede ndi, fulya ye atawore udede nrimiń wamwi. Karera wongo, areraa ikyo kikee kyamwi muni. Amu ye wwa wongo kava na ndee wa wongo.

Matayo 23:33

Mukee shoka na mawore a saru! Murishaa are uumisyo lwa yeeṛwa iriniń lya muro!

Matayo 3:7

Neeli andelolia Vafarisayo na Vasadukayo veengi veeshaa na kwamwi amu avabatise, kavaia: Ini vana va vamakavili, ni i amufunda sheeli mumakii irisha uumisio lukaa lushe isangeń?

Luka 3:7

Kyasia karera na isyamu lia lindenshea, amu vabatiswa yye kavaia: Ini ufwari lwa shoka, ni i andemwikimba ini murishe uumisio lwa Iṛuva lushaa?

Barua ya Vaefeso 5:4

nta firero fa usutu ana fa usaṛe lwa beṛebeṛe ana kitavanu kikasha, kake kinuru yyaana Iṛuva.

Barua ya Yakobo 3:2

Amu ise ti woose tikee varekwa kwa findo fiingi. Nndu atarekio̱ nta kimwi eereraa, ito ni nndu nsumani deń, amakii iima na wili wamwi woose.