Matayo 11:5 - MMA SHIYYA

⁵ Midoń ikee ilolya na vandu vakee manketenkete a meengo vakee imakii yenda. Na valya vaworwa ni ivave vakee iva vesha na vafu marwi vakee iita. Na vafu vakee iṛuka na valya vakiva vakee ikwaniswa mboni shinuru ta ivakiṛa.

Matayo 11:5 ပူးပေါင်းရင်းမြစ်များ

Luka 4:18

Mumuyo wa Nndumi nkwa ule yakwa, amu anshaamba mafura nkwanisie vandu vakiva mboni ya Iṛuva ya ifura. Kashiruma nkwanisie vafinge vaboṛomulwa na vafu miso vakooye ilolia lingi, nniinge valya vavavisio̱ muumu vaende,

Matayo 21:14

Llyo ashewa vvandu vafu miso na vakee manketenkete ifo numba ya Iṛuva. Nae kavakiṛa woose.

Yohane 10:38

Kake kwakooya nava mwaṛunda, na kikava kitaare mwashikusura niń shi muni, kusuraniń na mashoṛa wo akwa muutie-wo imanya deń sheeli Nde asaangi nań, nań nsaangi na Nde.

Yohane 10:25

Yesu kavaarua kavaia: Niń nammuia, neeni nta ishikusura. Mashoṛa va nkee iṛunda na irina lya Nde yakwa wwo ashirambuaa.

Yohane 5:36

Kake irambua nkee nalyo niń ni inini kita irambua lya Yohane. Amu mashoṛa alya Nde andeshiniingia mmarisie mmashoṛa wo meni nkee yaṛunda. Wwo akee ishirambua sheeli nNde ashirumie.

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Yohane 2:23

Kyasia ili eekee kulya Yerusalemu kisukuń kya Pasaka, vandu veengi vakabooka ikusurana na irina lyamwi, fulya vandelolia myorusie ilya andeitana.

Mariko 9:25

Ili Yesu andelolia sheeli vandu kinga vakee yengeṛia inrishia, kanaya mumuyo ulya nkasha kauia: Iwe mumuyo uteeshi irera na uteesile, niń nakuvavasa mwuke, nta kutakimwuiye lingi ndi.

Mariko 7:37

Vakariika koṛoń veenumbuaa: Anshiisa foose deń. Valya vafu marwi avaaṛua vaite na vafu uṛoo avaaṛua varere.

Matayo 10:8

Kiṛeń valole, shiiseń na valya vaworwa ni ivave, ṛuteń na vafu, umbuteń na mimuyo mikasha. Mwankiniingwa kya ruu, kiniingyeń kya ruu.

Matayo 9:30

Miso awo akaruuka. Yesu kavakandara kavaia: Lleń nnu manya nndu amanyaa iki nammutanya.

Matayo 5:3

Vva ngoma valya vakee vakiva ngooń, amu wwo umangi lwa iṛuvewu luvaa lwawo.

Mitanie ya varumi 2:22

Muṛe womi va Isiraeli, aranyiń firero fi: Yesu uu wa Nasareti ni nndu anderumwa ni Iṛuva ilyo andesha kwanu, kamanyiswa na findo finini na maṛiikiso na myorusie Iṛuva andefitana na uko lwamwi mbele yanu, sheeli mwishi ini mu veni.

Matayo 11:4

Yesu kaaṛua kavaia: Uyeń mundeongoya Yohane mboni ta filya mwaita na ilolya, nato nto iti:

Matayo 12:13

Lia eni kaia nndu ulya: Seṛeesa uko lwafo! Nae kaseṛeesa lukava usha sha lua lungi.

Yohane 9:7

Kyasia kaenda kandekusangya. Kauya ammaa ilolia.