Matayo 11:29 - MMA SHIYYA

²⁹ Kurikeń mwanda wakwa na ikulosha na mikae yakwa, fulya niń nkee wwoo na ikunyiisa nkee ikunyiisa shi muni na utele lwakwa, llyo mwimuruswaa mirima yanu.

Matayo 11:29 ပူးပေါင်းရင်းမြစ်များ

Barua ya Yohane ya mbele 2:6

Nndu kanumbua sheeli akaa nae, ito kyawara aende weendo lua Yesu eekee yenda.

Yohane 13:15

Fulya nammuniinga myorusie, amu sheeli niń nammutania, neeni mukutanie kuro.

Matayo 7:24

Kyasia ulya woose aaranyaa firero fi fakwa na iirikya kafiirikya, ito avakanaa na nndu ndango andetanya numba yamwi iweń.

Barua ya Vaebrania 5:9

Ili andemaa yawutio̱, kaendee valya woose vankusurie ikia lya miṛeṛe.

Barua ya Vakorinto ya kavili 10:1

Kyasia niń Paulo ili nkee irerwa vvandu kiindi sheeli nkee nkunyiisi niivaa neeni, kake kwakooya ntaiyo noore ukaṛuo kwanu,

Matayo 28:20

Na ivalosha muvaloshe iwara filya foose nndemuvavasa. Nań nkaa andu emwi neeni mikonu yoose kumande isanga lisiaa.

Barua ya Vafilipi 2:5

Muve na mikae ilya sheeli na Yesu Kristo eekee nayo.

Matayo 21:5

Ień sambuṛa yo ya Sion: A ii mangi yafo yakushea na uwoo, ikee rembo mungo wa nshungu na kyaashe kya nshungu wingaa maṛio.

Barua ya Vakorinto ya kavili 10:5

Tikee ifukyafukya na kilya kyoose kikee ikwimboyo uṛango lwa Iṛuva tiireyaa makusaṛo woose a vandu, amu vairikie Kristo.

Barua ya Vatesalonike ya mbele 4:2

Mwishi mavavaso alya tamuniingia ise, neese taaniingio̱ ni Nndumi Yesu.

Yohane 13:17

Mukammanya ifi muvaa va ngoma mukatana kuro.

Matayo 17:5

Ili eereraa kuro, lia eni iṛumbe likasha liivaramaa likavaendye nruve. Na ununga lukauka iṛumbeń lia lwireraa: Uu mMwama wakwa ninkundye nammusaua. Uu yye mumwaranyaa!

Barua ya Vatesalonike ya kavili 1:8

Na iva avaa sha kibalabala kya muro eetaa kimini kwa valya vateeshi Iṛuva na valya vataindiaa nrumi shisha ya Nndumi weru Yesu.

Barua ya Vakorinto ya mbele 9:21

Valya vateeshi mavavaso nndevavia sheeli ntawore mavavaso, amu nkooye iwo vateeshi mavavaso. Nta niikai ntawore mavavaso a Iṛuva ndi, kake nkee muyamavavaso a Kristo.

Mitanie ya varumi 7:37

Mose to yye aia vandu va Isiraeli: Iṛuva amuseṛeesiaa mwauya kisuku shań kari ka vanavamae vanu.

Luka 8:35

Na vandu vakakwimboo indella kilya kyatanika. Vakasha kulya Yesu akai. Vakakooya-fo nndu ulya andeukwa mmimuyo akee rembo marendeń a Yesu aṛee miseto, awore uṛango. Vakaeṛea.