Matayo 11:21 - MMA SHIYYA

²¹ Kanumbua: Ushi iwe Korasini! Ushi iwe Betisaida! Kikooye myorusye ii yatanika kulya muṛiń wa Tiro na Sidon sheeli yatanika kwanu, veekurraa kutu kyeeri kilya.

Matayo 11:21 ပူးပေါင်းရင်းမြစ်များ

Mitanie ya varumi 12:20

Na kyeeri kilya Herode eetuṛukiee nnu vandu va Tiro na Sidon. Nawo vakarera kikwena vakanrumia vandu va intereva. Vakawara undoo na Bilasito akee mulla wa numba ya mangi vakatereva unambwe, fulya uruka lwawo lwikooyaa shoonga urukeń lwa mangi ilya.

Yohane 12:21

Vagiriki wo vakashea Filipo akee wa muṛi ulya wa Betisaida, nato ukee muungoń wa Galilaya. Vakantereva veemwiaa: Nndumi ise tifurie ilolia Yesu.

Luka 9:10

Varumi valya vakauya vakashemwongoya foose vandetana. Nae kavakurika kaenda kumande muṛiń ulya uvaangwaa Betisaida, amu akaa-fo kyaanya kyamwi andu emwi nawo.

Mariko 6:45

Lia eni kaitika vanalosho vamwi vasaame ngalaveń vaire mbele vaṛuke kwa kulya kumande Betisaida, nae alakane na isyamu lia.

Matayo 15:21

Kyasia Yesu kauka kulya akai kaenda kulya miingoń ya Tiro na Sidon.

Barua ya Yuda 1:11

Ushi wo, fulya vandeenda shień ya Kain veesoṛaa urekwa lwa Bileamu kiimba kya maṛe a ulembi, nawo vakarekia uretiń sha Kora.

Yohane 1:44

Na Filipo eekee nndu wa kulya Betisaida, nato mmuṛi wa Anderea na Petiro.

Luka 6:17

Kainama andu emwi nawo kasalala andu a iverere. Na vandu veengi vakee vanalosho vamwi vakakusandia-fo. Na syamu shiingi ya vandu iifo vaukie kulya Yudaya koose na Yerusalemu na urukeń lukee mbaai ya nruva lua lwa Tiro na Sidon. Nawo vashe imwaranya na ikiṛwa saka tawo.

Mariko 8:22

Numa vakafika kulya Betisaida. Vakamwendee nndu ndoń vakantereva ambaani.

Mariko 7:31

Yesu kauka kulya miyanuń ya Tiro eeiraa urukeń lwa Sidon. Kafika nruveń ilya ya Galilaya alya muungoń wa miri ikumi.

Mariko 3:8

na Yerusalemu na Idumaya na kwa kulya ya Yoridane na taari ta Tiro na Sidon, nsyamu nini. Nawo vandeita mboni ta mitanie yoose andetana vakanshea.

Matayo 18:7

Ushi isanga kiimba kya misindaṛa iifo. Kyawara misindaṛa ive-fo, kake ushi nndu ulya ainnde.

Matayo 11:22

Kake namuia: Miṛi ilya ya Tiro na Sidon ililyoo nkonu ulya wa uumisyo kita ini.

Mitanie ya varumi 27:3

Ili lya ndesi tikafika Sidon. Yulio kaawutia Paulo kisha nnu kanniinga muumu aende kwa ndoo tamwi amu vamulle.

Luka 4:26

Ana nta Elia arumwa kwa umwi wawo ndi kita kwa nsikeeti umwi kulya Sarepita urukeń lwa Sidon.

Mariko 7:24

Kakwimboo ifo kaenda kafika miyanuń ya Tiro na Sidon. Kaaka numba kafura kitamanyike ni nndu. Kake andemakii ikufisa ndi.

Matayo 26:24

Mwana wa nndu eendaa shia yamwi da, sheeli eentisiṛyoo. Kake ushi ulya, Mwana wa nndu andeṛiingwaa yye. Nndu to kifo kitaare awonika kiwiaa ńwana.

Urambuyo lwa Yohane 6:12

Nań nalolia, ifi indefukya kiringisio kilya kya karindaru, fikava irerema inini lya isanga. Saa ikava shuu sha ikunia yuu suvi, na mwiri woose ukava sha usao.

Urambuyo lwa Yohane 11:3

Nań nniingiaa varambua vakwa vavili muumu, nawo vaniingiaa wikimbi mikonu kiku kimwi na mayana avili na makumi arindaru, nawo vawikwa makunia“.