Matayo 10:5 - MMA SHIYYA

⁵ Iva ikumi na vavili Yesu ka varuma eevavavasaa eevaiaa: Manya mutaire shia ta veeni ndi ana nta ta miṛiń ya Vasamaria manya mutaire-fo ndi.

Matayo 10:5 ပူးပေါင်းရင်းမြစ်များ

Yohane 4:9

Nka ulya wa Kisamaria kamwia: Naare kyava iwe kukee nndu wa Kiyuda kwashoomba mura, nań nkee nka wa Kisamaria? Amu Vayuda veeitanaa na Vasamaria ndi.

Barua ya Vatesalonike ya mbele 2:16

Lingi vakatiima ise fiireraa na vayavaṛumu kirero kya ikiṛwa lyawo. Kuro Ilyo yawutia mareko awo kyeeri kyoose. Kake uvave lwa Iṛuva lwavafikia kumande ifurumia.

Luka 17:16

Kawa na si marendeń a Yesu kamwaana. Nae ni nndu Nsamaria.

Mitanie ya varumi 10:45

Na valya veekusuriee vakee varini valya veerianii na Petiro vakariika, fulya valolia na vayavaṛumu vamoolokio̱ mMumuyo Nsongori.

Luka 9:2

Kavaruma amu vandeongoya vandu mboni ta umangi lwa Iṛuva na ishiisa valole.

Mitanie ya varumi 1:8

Kake ini muniingwaa finya ili Mumuyo Nsongori amusheaa. Neeni muvaa varambua vakwa kunu Yerusalemu na Yudaya koose na Samaria na kumande mbaai ya isanga.

Yohane 20:21

Yesu kavaia lingi: Kaań na unambwe! Sheeli Nde andeshiruma niń, nkuro nań nkee imuruma.

Yohane 7:35

Vayuda vakakurera wo veni na veni: A uu afurie yenda kwi neese titalloliaa? Asoṛaa valya vanyanyate ngyurukeń ta Vagiriki aloshie-fo Vagiriki wo?

Yohane 4:5

Kafika muṛiń umwi wa kulya Samaria uvaangwaa Sikari ukee kufui na nrema ilya Yakobo andeniinga mwanamwi Yosefu.

Luka 10:33

Ili vandu wo vandefulukia, numa yawo nndu wa kulya Samaria eeriee kyaaṛo kyamwi. Ili andefika-wo kallolia kalliha.

Matayo 4:15

Iwe uruka lwa Sabulon na lwa Nafutali kukee mbaai ya nruva, kukee kwa kulya ya Yoridane, kukee Galilaya ya vayavaṛumu,

Mitanie ya varumi 8:1

Na Saulo kasenywa ni iwalwa lyamwi. Nkonu to akava ma-tuṛulwa manini a siṛi ilya ikee Yerusalemu. Woose vakanyanyaka ngyurukeń ta Yuda na Samaria. Vandu vandesaa ifo Yerusalemu vvarumi da.

Yohane 8:48

Vayuda valya vakaaṛua vakamwia: Ise tarera kisumani se sheeli iwe kukee Nsamaria, kuworwa mmumuyo nkasha?

Yohane 4:20

Vaande yeru veetereviaa Iṛuva uroń ilu. Neeni mukanumbua: Yerusalemu mfo kundo kyawara kuterevio̱ Iṛuva.

Luka 10:1

Kyasia numa ya ifi Nndumi kasaua na vandu vengi makumi mfungare. Kavaruma vavili vavili vamwirie mbele yenda muṛiń woose na kundo koose eendeeṛiaa yenda ye muni.

Matayo 22:3

Nae karuma vaseṛo vamwi vavaange valya veevvaangwaa waliń. Nawo nta ikunda isha.

Mariko 6:7

Kavaanga valya ikumi na vavili vashe kwamwi. Kabooka ivaruma vavili vavili. Kavaniinga finya ya yumbuta mimuyo mikasha.

Luka 9:1

Kyasia kavaanga valya ikumi na vavili kavaniinga finya na miitoṛio ya iitoṛio mimuyo mikasha yoose na ikiṛa saka toose.

Yohane 17:18

Na sheeli kundeshiruma nafika kunu isangeń, nań nkuro da nndevaruma vafike masangeń.