Matayo 10:22 - MMA SHIYYA

²² Neeni musulwaa vvandu woose kiimba kya irina lyakwa. Kake ulya asisiryaa kumande ifurumya, ito yye akifwaa.

Matayo 10:22 ပူးပေါင်းရင်းမြစ်များ

Matayo 24:13

Kake ulya asisiryaa kumande ifurumya, ito yye akiṛwaa.

Barua ya Yakobo 1:12

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Mariko 13:13

Neeni musulwaa vvandu woose kiimba kya irina lyakwa. Kake ulya asisiriaa kumande ifurumia, yye akiaa.

Matayo 10:39

Ulya akundye muu wamwi kita niń, auretaa. Na ulya asuaa muu wamwi kiimba kyakwa aukiṛaa.

Barua ya Yohane ya mbele 3:13

Mutatińwa vanavamae vakwa kwakooya isanga limusule.

Matayo 24:9

Numa llyo vamurambikyaa muliswa ukiva na imuwaa. Na lingi musulwaa vvandu woose kiimba kyakwa.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Barua ya Vaebrania 6:11

Kake tifurie nnu, oo umwi wanu akutomarise kuro da, amu amakii iwara iverea lyeru lyoose kumande ifurumia.

Yohane 17:14

Niń navvaniingia kirero kyafo. Na va isanga vakautia-wo ivasua, fulya wo vatakee va mikae ya isanga, sheeli nań ntakee wa mikae ya isanga.

Barua ya Vagalatia 6:9

Kyasiań manya ntalemwa itana finuru, fulya numa tiilulaa finuru, kwakooya titalemwa.

Luka 6:22

Mukee va ngoma ini, ili vandu vamusuaa na ikufukya na ini na imurumaruma na yeeṛa irina lyanu ifo wooṛo sha kindo kiravi kiimba kya Mwana wa nndu.

Barua ya Vakorinto ya kavili 4:11

Amu ise tikee va Yesu tikee iniingio̱ nkonu woose tifwe kiimba kya Yesu, amu na muu wa Yesu ulolikie miviliń yeru ya ufu.

Matayo 5:11

Ngoma ini mukee irumwa vvandu na yumbutwa na ifingyo firero fikasha foose kya wongo kiimba kyakwa.

Urambuyo lwa Yohane 2:17

Ulya awore marwi aaranye kilya Mumuyo akee iia siṛi ti: Ulya avingaa mmwaviaa Mana ilya ifisie, ninniinge na iwe yeelwa na ifo iweń ilyo liifo irina litisiṛio-fo iiya litaishiwa ni nndu kitaare ni ulya da alikooyaa.

Yohane 7:7

Isanga limakii imusua ini ndi. Kake niń lishisule, fulya niń nkee irambua sheeli mashoṛa ayo mmakasha.

Luka 8:15

Kake mbeu ilya indewa uteriń unuru nkimwi na valya vaaranyaa kirero kilya vakakiwara na ngoo luteefo ukavili vakaira weendo usha, fulya vakee isisiria.

Urambuyo lwa Yohane 3:21

Ulya avingaa ninkaarisaa rembo andu emwi nań kifumbiń kyakwa kya unini, sheeli nań nndevinga nakaa rembo andu emwi na Nde yakwa kifumbiń kyamwi kya unini.

Urambuyo lwa Yohane 2:7

Ulya awore marwi aaranye kilya Mumuyo akee iia siṛi ti: Ulya avingaa, ninniingaa nunda ta nri wa muu ukee ifo Paradiso ya Iṛuva.

Barua ya Vaebrania 3:14

Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru.

Urambuyo lwa Yohane 2:26

Na ulya avingaa kava mulla mitanie yakwa kumande ifurumia ninniingaa miitoṛio ya iitoṛio vaya vaṛumu.

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Urambuyo lwa Yohane 2:3

Lingi kundekukaarisa na iva na isisiria na kiimba kyakwa kwakwatara nta yaaraa.

Luka 21:17

Neeli musulwaa vvandu woose kiimba kya irina lyakwa.

Luka 21:19

Kwakooya musisiriaa deń, mukiṛaa mirima yanu.