Mariko 8:34 - MMA SHIYYA

³⁴ Kavaanga isyamu andu emwi na vanalosho vamwi kavaia: Nndu kakunda ishisoṛa niń, kyawara akwimi mifurie yamwi, akurike nsalaba wamwi ashisoṛe.

Mariko 8:34 ပူးပေါင်းရင်းမြစ်များ

Matayo 10:38

Na lingi ulya atakurikaa nsalaba wamwi ashilatye numa yakwa, ashiviaa ndi.

Yohane 10:27

Na mburu takwa tishiitaa ununga lwakwa. Nań ntiishi, nato tikashisoṛa.

Barua ya Vagalatia 5:24

Na iwo vakee va Kristo Yesu vammaa yumisia filya fa kiwili andu emwi na makusaṛo ayo makasha na ilanga lyayo.

Barua ya Vagalatia 2:20

Lingi nniń ndi nkee na muu, kake ulya akee na muu kari kakwa nKristo. Amu muu uu wa vvili nkikee nato nuuwore niikusuranaa na Mwana wa Iṛuva uu andeshikunda kakuniingia kiimba kyakwa.

Barua ya Yohane ya mbele 3:16

Yesu antirekia muu wamwi tikamanya yyo mikae ya ikunda lya dede. Neese kyatiwara ireka muu kiimba kya vanavamae veru.

Matayo 16:24

Llyo Yesu aia vanalosho vamwi: Nndu afurie ishisoṛa niń, akwime mikae yamwi, akurike nsalaba wamwi na ishisoṛa niń.

Barua ya Vafilipi 3:10

Nań nimmanye ye na imanya imakii lya iṛuka lyamwi na ilungana na mavaviso amwi, amu wakaniswa nae, na akwaa ni ufu lwakwa luvakane na lwamwi,

Barua ya Varome 8:17

Kwakooya tikee vana, kyasia tikeeń na vayadiṅu. Tikava vayadiṅu andu emwi na Kristo, kwakooya tikee iliswa ukiva andu emwi nae, naamu tindeniingwa na unini andu emwi nae.

Luka 9:23

Kaia vandu vaiyo woose: Nndu akundie ishilatia niń akusue ye muni, akurike nsalaba wamwi nkonu woose ashisoṛe.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Vafilipi 3:7

Kake filya nndekooya mfa mbusha kwakwa, nafitaala fikava ureti kiimba kya Kristo.

Barua ya Petiro ya mbele 4:1

Kyasia ili Kristo atuṛulwa wili wamwi, na akwaa ni ini mukufingie mikae yo muve kimwi nae. Amu ito andetuṛulwa wili allakana na mareko.

Barua ya Vagalatia 6:14

Kake niń mfurie ikushomba ndi, amu niń niishi kindo kingi kitaare ni nsalaba wa Nndumi weru Yesu Kristo ndi. Nkyo kyakangia isanga likashivia ufu, nań nalivia mfu.

Barua ya Vakorinto ya mbele 15:31

Ee vanavama mukee nduma wakwa nkee nato kiimba kyanu kari ka Kristo Yesu Nndumi weru, nkee ifwa nkonu tiṛi.

Barua ya Varome 6:6

tiimanyaa sheeli unndu lweru lwa mbele lwakabio̱ nsalabeń andu emwi nae, amu vvili uwore mareko ukasheeswa utakiṛundie fingi mareko.

Luka 14:33

Mfo kuroń neeni da: Nndu woose atalakanaa na ifo afiwore, amakii iva mwanalosho wakwa ndi.

Barua ya Petiro ya kavili 1:14

Fulya niishi iinutwa lyakwa lishaa kibashuka, sheeli na Nndumi weru Yesu Kristo andeshimanyisa.

Barua ya Petiro ya mbele 4:13

Fureń! Amu mukantaṅaṛia matuṛulo na Kristo mufuraa kya mmwasi na ikaba mindoṛo, ili unini lwamwi lulolikaa.

Barua ya Tito 2:12

Nalyo likee itifunda tilakane na mikae yoose mikasha isule Iṛuva ya kunu isangeń. Na ikaa tikaa na useli na usumani na usha kyeeri tikikee kunu isangeń ili. Na iva tive vandu vavereaa Yesu Kristo na ikusura,

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Mitanie ya varumi 14:22

veekaarisaa mirima ya vanalosho, amu vakaa ikusureń lia na ivaikimba sheeli kyatiwara yaka umangiń lwa Iṛuva na ngatara shiingi.

Luka 18:22

Ili Yesu andeita kuro, kamwia: Kukiseere na kindo kimwi. Andekumba foose kuwore kwaavia vakiva. Nawe kuvaa na masaa mafise ifo iṛuvewu. Kwammaa kusheń kushisoṛe.

Luka 13:24

Kabanień mwaango ulya nsuse na utomari mwake! Fulya namuia: Vveengi valangaa yaka nafo vatamakii.

Matayo 27:32

Ili vandesomuka veendaa, vakalolya nndu wa Kirene irina lyamwi eevaangwaa Simon vakankabiṛya ankurikye nsalaba wamwi.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Barua ya Vaebrania 13:13

Kiimba kya iki ise tisomuke muṛiń ulya tilungane nae wooṛo tiikurikaa na usutu lua andeluekeṛio̱.

Barua ya Vatesalonike ya kavili 3:11

Amu tamiita sheeli kunu kwanu veefo vandu vakwendiaa kya seṛeeto da vataṛundaa mashoṛa awo wo veni, kake vakwatariaa findo fa vandu vengi.

Barua ya Vakorinto ya mbele 9:19

Amu lla kasa nkee mboṛomue kwa vandu woose, nndekwaṛua iketi lya woose, amu nkooye vandu veengi mmwasi.

Barua ya Vakorinto ya mbele 8:13

Kwa ikyo shoonga yakwa ikanteveta mwanamae wakwa, nta llyaa nyama tilya miṛeṛe ndi, amu ntatevete mwanamae wakwa.

Yohane 19:17

Vakawaria Yesu. Nae kaenda akuriye nsalaba wamwi ye muni. Kauka muṛiń kafika andu avaangwaa Kiboṛoń, na irina lya Kiebrania nGoligota.

Luka 20:45

Neeli vandu valya woose vaiyo veearanyaa, kaia vanalosho vamwi:

Mariko 10:21

Yesu kamulla koroo kankunda kamwia: Kwaanguyo̱ nkindo kimwi: Enda kwandekumba foose kuwore kwavie vakiva. Llyo kundevaa na masaa iṛuvewu. Kwammaa oṛeshoń kushisoṛe.

Mariko 7:14

Kavaanga lingi isyamu lia lindekusandia io akai kavaia: Shaaranyiń mu woose na imanya!