Mariko 6:2 - MMA SHIYYA

² Ili nkonu wa Sabato undefika, kabooka ilosha ifo numba ya iterevia. Na vandu vandemwaranya vveengi vakaṛiika veenumbuaa: A nndu uu nkwi andeuta ifi? Na uṛango lu aniingyo̱ luukie kwi? A nkiki iki kya maṛiikiso va manini akee yatana na maako amwi?

Mariko 6:2 ပူးပေါင်းရင်းမြစ်များ

Yohane 6:42

Vakanumbua: Uu yye Yesu mwana wa Yosefu se? A ise tiishi ndee na mae se? A alli naare akee inumbua: Namooloka nuuka iṛuvewu?

Yohane 7:15

Vayuda vakariika veereraa: Uu amanya are mitisine, nae atakee lloshe?

Matayo 4:23

Nae kava akee ilengetya kulya Galilaya koose eeloshaa ifo numba tawo ta iterevya na yongoya vandu mboni ya ifura ya umangi lwa Iṛuva na ikiṛa saka toose na utanyari lukee miviliń ya vandu.

Matayo 7:28

Kyasia ili Yesu andemandisa miloshye ii yamwi, vandu valya woose veeyoo vakariika koṛoń kiimba kya miloshye yo yamwi.

Luka 4:15

Nae kava mulosha ifo numba tawo ta iterevia eeitikiswaa vvandu woose.

Mariko 1:39

Kawara shia kaenda eekwanisaa kulya Galilaya koose eeakaa ifo numba tawo ta iterevia na yumbuta mimuyo mikasha.

Mariko 10:1

Kakwimboo-fo kafika miyanuń ya Yudaya na kulya kwa kulya ya Yoridane. Isyamu iingi vakakusandia lingi vakanshea. Kavalosha lingi sheeli eeshivie.

Luka 2:47

Na woose vandemwita eereraa vakariika kiimba kya uṛango lwamwi na myaṛuye yamwi.