Mariko 13:9 - MMA SHIYYA

⁹ Kake ini kwiiseń mu veni! Amu vamurwaa numbeń ta fikwena, na ifo numbeń tawo ta iterevia mukabyo̱o̱-fo. Neeni mukurikwaa mbele ya masiingo na kwa mamangi kiimba kyakwa, kive nkyo myorusie ifo kwawo.

Mariko 13:9 ပူးပေါင်းရင်းမြစ်များ

Yohane 16:2

Na kita ifi kyeeri kishaa na ulya woose amuwaa akusaṛe, sheeli kuro llyo iṛundia Iṛuva.

Mariko 13:5

Llyo Yesu abooka ivaia: Kusembekeń nndu atamulembe!

Urambuyo lwa Yohane 2:13

Niishi alya kukaa, ni io kifumbi kya Satana kikai. Nawe kukuwore nnu na irina lyakwa ana nta kundekana ikusura lya ishikusura niń ndi na akwaa nkyeeri kilya kya nrambua wakwa nsumani Antipa ulya andewaywa ifo kwanu ifo Satana awore kivasha kyamwi.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Urambuyo lwa Yohane 1:9

Niń Yohane nkee mwanamae wanu na mutańaṛia mavaviso na umangi lwa Iṛuva andu emwi neeni na ulalamboo lwa iverea Yesu Kristo. Nnderawa kyurukeń kilya kikee kari ka nruva kiivaangwaa Patimo, fulya nndekwanisa kirero kya Iṛuva na irambua Nndumi Yesu.

Barua ya Vatesalonike ya kavili 1:5

Yyo myorusie ya uumisio lukee lwa udede lwa Iṛuva ya yorusa sheeli musumani yaka umangiń lwa Iṛuva ilu ini mukee ituṛulwa kiimba kyayo.

Barua ya Vafilipi 1:29

Fulya ini mukee valunganise na Kristo mwamaavio̱ uwoo lwa Iṛuva, amu nta mukusure Kristo da ndi, kake na akwaa mutuṛulwa kiimba kyamwi.

Mitanie ya varumi 21:11

Katifikia kawara kitati kya Paulo kakwavika nakyo marende na maako. Kanumbua: Mumuyo Nsongori anumbua kuri: Kuro mfo Vayuda va Yerusalemu vafingaa nndu wa kitati ki. Nawo vanrambikiaa maakoń a vayavaṛumu.

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Mitanie ya varumi 7:54

Kyasia ili vandeita firero fo, fikavailika mirimiń vakanrafunia mayoo.

Yohane 15:20

Kumbueń kirero kilya nndemuia: Iketi ni inini kita nndumi wamwi ndi. Kwakooya vandeshiumbuta niń, neeni nkuro da vashemuumbutaa. Kifo veewaraa kirero kyakwa, veewaraa na kyanu.

Luka 9:5

Na kulya vatamuwariaa, ukeń muṛiń ito. Na funga yo ikee marendeń anu vaangatień, ive myorusie kwawo.

Mariko 6:11

Na kundo koose vatamuwariaa ana vatamuaranyaa, ili muukaa-fo vaangatyeń funga ya marende anu, ive mirambuye kwawo.

Mariko 1:44

Kamwia: Manya kutaie nta nndu kindo! Endań kundekworusa nkohani ulya. Kuniingie na kindo kya iniinga Iṛuva kiimba kya ishia lyafo, kasa Mose avavasa, kive nkyo mirambuye ifo kwawo.

Matayo 5:22

Kake niń namuia: Ulya woose anaa na nndu ungi kya ruu, aumisyo̱o̱. Na ulya arumaa nndu ungi kya ruu, arawaa kikweniń kya masiingo. Na ulya aiaa nndu ungi kya ruu: Kusule Iṛuva, arawaa muroń utakisyaa.

Mariko 13:8

Amu uruka lukwimboo lukabe lungi na fingi umangi lukabane na lungi. Kundo kungi na kungi si ireremaa, ivaa-fo na soto. Nafo mfo fibookie fa mavaviswa.

Barua ya Yohane ya kavili 1:8

Kulleń, amu mutarete mbusha ya mashoṛa anu, kake kabanień maṛe anu amuvie woose.