”Ni Iṛuva arera: Kivaa mikonu ya ifurumia niiritiaa vandu woose Mumuyo wakwa. Na vana vanu va womi na va kika vaauyaa fisuku. Na vakoo vanu valoliaa myorusie. Na vasuṛi vanu vaoriaa maoria.
Nkya dede niń nkee imubatisa na mura kiimba kya iilashika. Kake ito ashaa numa yakwa awore finya kita niń. Ana nta nkaṛiaa ikurika faaru famwi ndi. Ye amubatisaa na Mumuyo Nsongori na muro.
Yohane kavaaṛua kavaia woose: Niń namubatisa na mura. Kake eefo nndu ashaa numa yakwa awore finya kita niń. Nań nta nkaṛiaa iboṛomua ngyuṛuumu ta faaru famwi ndi. Ye amubatisaa na Mumuyo Nsongori na muro.
Nań nta niimwishii ndi. Kake ito andeshiruma mbatise na mura yye andeshiia: Ito kwallolia Mumuyo wa Iṛuva eemwolokiaa na inkaya, uu yye abatisaa na Mumuyo Nsongori.