Luka 9:5 - MMA SHIYYA

⁵ Na kulya vatamuwariaa, ukeń muṛiń ito. Na funga yo ikee marendeń anu vaangatień, ive myorusie kwawo.

Luka 9:5 ပူးပေါင်းရင်းမြစ်များ

Mitanie ya varumi 18:6

Ili vandevingana nae na iruma kasikasika miseto yamwi kavaia: Usao lwanu lumukabe ini mu veni, niń nkee nsha. Kuuka alli neendaa kwa vandu vayavaṛumu.

Mitanie ya varumi 13:51

Nawo vakavaangatia funga ya marende awo vakaenda Ikonio.

Mariko 6:11

Na kundo koose vatamuwariaa ana vatamuaranyaa, ili muukaa-fo vaangatyeń funga ya marende anu, ive mirambuye kwawo.

Luka 10:16

Ulya amwaranyaa ini nniń anshaaranya. Na ulya amuleaa ini nniń anshilea. Na uu ashileaa niń allea ulya anshirumia.

Luka 9:48

Kavaia: Ulya woose awariaa mwana sha uu akuvavie na irina lyakwa ashiwaria niń. Na ulya woose ashiwaria niń awwaria ulya ashirumie. Amu ulya akee munnya kari kanu mu woose, ito yye nnini.

Mariko 9:37

Nndu awwaria kimwana kimwi sha iki eeshikumbuaa niń, ito anshiwaria niń. Na nndu ashiwaria niń, nniń ashiwaria ndi, kake ni ulya andeshiruma.

Luka 5:14

Kavvavasa ataie nndu. Kamwia: Enda kundekworusa kulya kwa nkohani ulya. Kuniingie na kindo kyafo kya iniinga Iṛuva kiimba kya ishiiswa lyafo, sheeli kyavavaswa mMose, kive nkyo mirambuye ifo kwawo.

Matayo 10:18

Neeni murawaa kwa vashili na kwa mamangi kiimba kyakwa mushirambue kwawo na kwa vandu vateeshi Iṛuva.

Luka 9:4

Na numba yoose muyakaa kaań-fo, kumande mukwimboo-fo mwende kungi.