Luka 9:44 - MMA SHIYYA

⁴⁴ Wareń firero fi mmuiaa alli marwiń anu! Mwana wa nndu akee yenda irambikio̱ maakoń a vandu.

Luka 9:44 ပူးပေါင်းရင်းမြစ်များ

Mitanie ya varumi 2:23

Nndu uu ili andeniingio̱ kwa kiteveto kya Iṛuva ikyo eenkikusaṛiaa na kwa miṛengie yamwi kuuka mbele, nndu uu ni ini mundenkabia nsalabeń na maako a vandu vateeshi Iṛuva mukawwaa.

Luka 9:22

Kanumbua: Kyawara Mwana wa nndu aliswa ukiva wiingi na ilewa wasuṛi na vakohani vanini na vaaria va mitisine, na iwalwa awalwaa na nkonu wa kararu aṛukaa.

Barua ya Vaebrania 2:1

Kwa ikyo kyatiwara tille mmwasi filya tindefiita, kaaṛa titafituṛe.

Luka 2:19

Na Maria kawara firero filya foose kafikusaṛa ngooń yamwi.

Yohane 19:11

Yesu kaaṛua: Kwiworee finya ya ishuumisia, kifo kitaare kweeniingyo̱o̱ yauka ule ndi. Kiimba kya ikyo ito ashirambikia maakoń afo awore ireko inini kya mmwasi.

Yohane 16:4

Kake namuia ifi, amu ili kyeeri kyo kifikaa mufikumbue, sheeli niń nammaa imuia. Nta nammuia ifi kuuka mbele ndi, fulya niikee andu emwi neeni.

Luka 24:44

Numa kavaia: Iti nto mboni tilya namwongoya lia nkee neeni, sheeli foose fifikaa fikee fitisiṛe fitabuń fa Mose na fa vaauya fisuku na fa fiimbo fa Iṛuva.

Luka 18:31

Yesu kakurika valya ikumi na vavili kavaia: Manyiń alli tikee irwa na ule Yerusalemu, na ifo mfo fimarisio̱o̱ foose feentisiṛwaa wauya fisuku fa Mwana wa nndu.

Luka 2:51

Nae kalungana na nde na mae vakauya Nasareti. Kavairikia findoń foose. Na mae kawara firero fi foose ngooń yamwi.

Luka 1:66

Na woose vandeita vakawara na ngoo tawo vakanumbua: A mwana uu avaa wa mikae ingai? Amu uko lwa Nndumi lukee andu emwi nae.

Mariko 9:31

Amu eekee ilosha vanalosho vamwi eevaiaa: Mwana wa nndu arambikyo̱o̱ maakoń a vandu, nawo vawwaa. Nae kammaa iwalwa, numa ya mikonu iraru aṛukaa.

Mariko 8:31

Numa kabooka ivalosha sheeli kyawara Mwana wa nndu aliswa ukiva wiingi vvandu na ilewa vvakohani vanini na vaaṛia va mitisiṛie na iwalwa, na numa ya mikonu iraru aṛuke.

Matayo 26:2

Mwishi sheeli iseere mikonu ivili kive kisuku kya Pasaka. Na Mwana wa nndu aniingyoo, amu akabyo nsalabeń.

Matayo 16:21

Kuuka kyeeri kyo Yesu kabooka yorusa vanalosho vamwi, sheeli kyawara aende Yerusalemu andelisyo-fo ngyukiva shiingi mmasiingo a uruka na valosha vanini na vaaṛia va mitisine. Na iwalwa awalwa, na nkonu wa kararu aṛukaa.

Yohane 16:31

Yesu kavaaṛua: Alli mushikusurie?