Luka 8:3 - MMA SHIYYA

³ na Yohana akee nka wa Kusa ulya akee mulla findo fa Herode, na Susana na vengi veengi. Nawo veekee indundia na masaa awo.

Luka 8:3 ပူးပေါင်းရင်းမြစ်များ

Barua ya Timoteo ya mbele 5:10

Nae alolikie wwa mitanie minuru, ili allela vana, ili awwaria veeni, ili ansangya vasongori marende, ili ameelekia vakiva, ili allatia ishoṛa isha lyoose na utomari.

Barua ya Vafilipi 4:22

Vasongori woose vamwisana, kilanya valya vakee va numba ya Kaisari.

Barua ya Vakorinto ya kavili 8:9

Amu mwammanya ililia lya Nndumi weru Yesu Kristo sheeli andeva nkiva kiimba kyeru, lla kasa eekee isimba, naamu ini mumakii iva masimba kiimba kya ukiva lwamwi.

Matayo 26:11

Fulya vakiva mukee nawo mikonu yoose, kake niń mukaa nań mikonu yoose ndi.

Matayo 25:40

Na mangi avaaṛuaa eevaiaa: Namuia kya dede: Kilya mwantanya vamwanamae vakwa iwo vannya na akwaa ni umwi tubu, mwanshitanya niń.

Matayo 2:11

Vakaaka kulya numba vakalolia mwana andu emwi na Maria mae wamwi. Vakawwoya vakamwitikisa. Vakaboṛomua mikusha yawo vakanniinga masaa, nsaabu na findo fa kisaamu.

Luka 24:10

Nawo ni Maria wa kulya Magidala na Yohana na Maria akee mae wa Yakobo na valya vengi veerianii nawo, wwo vandeia varumi valya mboni tilya.

Mitanie ya varumi 13:1

Neefo siṛiń ilya ikee Antiokia veeifoo vaauya na valosha, nawo ni Barinaba na Simeon eevaangwaa Nigeri na Lukio wa kulya Kirene na Manaen ulya eekee uroe wa mangi Herode, na Saulo.

Matayo 14:1

Feeri filya llyo mangi Herode andeita mboni ta Yesu tiirerwaa. Kaia vaṛundi vamwi:

Matayo 14:3

Amu Herode eemmaa iwara Yohane kanrwaa kifingyoń kiimba kya Herodia eekee nka wa mwanamae Filipo.

Matayo 14:6

Neeli undefika nkonu nnini wa ikumbua iiriwa lya Herode, mwana ulya wa sambuṛa wa Herodia kaara mbele ya vandu na yara lyamwi likasenya Herode.

Matayo 20:8

Ili kundeila, nndumi ulya kaia nshili wamwi: Vaanga vaṛundi valya kuvaniinge maṛe awo. Kubooke iniinga valya vafurumya isha kumande valya vabooka isha.

Matayo 27:55

Na alya veeyoo vaka veengi veellaa vakee kwaasha. Nawo vvalya veeryanii na Yesu kuuka Galilaya veendundiaa.

Yohane 12:6

Arera kuro kiimba kya ililia vakiva ndi, kake mfulya eekee inini. Nae yye eekurikaa mboloko ilya ya fesa na iiva eeivaa-fo kiindi kya fesa tilya tiirawaa-fo.