Luka 8:15 - MMA SHIYYA

¹⁵ Kake mbeu ilya indewa uteriń unuru nkimwi na valya vaaranyaa kirero kilya vakakiwara na ngoo luteefo ukavili vakaira weendo usha, fulya vakee isisiria.

Luka 8:15 ပူးပေါင်းရင်းမြစ်များ

Barua ya Vaebrania 10:36

Kake kyamuwara muve vandu va ulalamboo, amu mutane mifurie ilya Iṛuva akundie na iwaria wavi lua mwee-Ilurekio̱o̱.

Luka 6:45

Nndu nsha, afisie findo fisha ifo nrimiń wamwi, areraa ifo fisha. Na ito nkasha, ifo findoń famwi fa ukasha afisie nrimiń, areraa ifo fikasha. Amu kana ka nndu kareraa kilya kiishule nrimiń wamwi.

Barua ya Yohane ya mbele 2:3

Na kunu mfo timanyiaa sheeli tammanya Iṛuva, kwakooya tikee iwara mavavaso amwi.

Barua ya Vakolosai 1:10

na yenda mwende weendo lusumani neeni mukee va Nndumi, amu asenywa deń ni ini, mwivikaa nunda ta mashoṛa woose manuru sha nri uvikaa nunda na yengeṛio̱ uṛango lwa imanya Iṛuva.

Barua ya Vakolosai 1:6

Na sheeli ikee ikwana isangeń lyoose na ivika nunda na ifumbuka, mfo kuro ifumbukie na kwanu da kuuka ilyo mundeiita mukamanya uwoo lwa Iṛuva sheeli llwa dede.

Yohane 14:15

Kwakooya mushikundie, mwindie mavavaso akwa.

Luka 11:28

Nae kanumbua: Nkya dede valya vakee va ngoma vvalya vaaranyaa kirero kya Iṛuva na ikiwara vakakiwara.

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Barua ya Varome 7:4

Nkuro kikai: Vanavama, ini mwamfiya mavavaso kwa shia ya ufu lwa vvili wa Kristo, amu muve masaa a ungi ito andeṛutwa kwa vafu, amu tivikie Iṛuva nunda.

Barua ya Varome 6:22

Kake alli mwantaulwa ifo usingeń lwa mareko mukava masinga a Iṛuva na mbusha yanu muwore ni iiliswa na numa muu wa miṛeṛe.

Yohane 15:10

Mukawara mavavaso akwa mukaa na ikunda lyakwa, sheeli nań nndewara mavavaso a Nde yakwa nakaa na ikunda lyamwi.

Matayo 24:13

Kake ulya asisiryaa kumande ifurumya, ito yye akiṛwaa.

Barua ya Vaebrania 2:1

Kwa ikyo kyatiwara tille mmwasi filya tindefiita, kaaṛa titafituṛe.

Barua ya Vaefeso 2:8

Amu mundekiṛwa ni uwoo lwa Iṛuva kwa shia ya inkusura. Na ikiṛwa li nkwanu lyukie ndi, wwavi lwa Iṛuva muni.

Barua ya Vakorinto ya mbele 7:19

Irinwa nkindo ndi na ilea irinwa nkindo ndi, kake ni iindia mavavaso a Iṛuva.

Barua ya Varome 7:18

Amu niishi sheeli kari kakwa (nkimwi na wifiń wakwa) kikaa-fo kikee kinuru ndi. Amu ikunda kilya kinuru nakunda da, kake itana kilya kikee kinuru nkooyaa ndi.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Barua ya Yakobo 1:4

Kake ikuumisa kyawara limarisie mashoṛa ayo, amu mwawutie ishia na isumanika mutarewa numa kya ifi na ifi.

Luka 8:14

Na mbeu ilya indewa kari ka miinga nkimwi na valya vaaranyaa kirero kilya vakaenda vakaimwa nngatara tawo ana masaa awo na ngyukesi tawo ta isanga li veeiraa weendo usha.

Luka 8:16

Eefo nndu aataa taa na iifunika na kiya ana airwaa kwa si ya kiraa ndi. Kake aivanikaa kivanikoń, amu valya vakaa numba va-mulikio̱ llanga yayo.

Barua ya Varome 8:25

Kake tikankusura kindo titakilolie, tikivereaa na ulalamboo.