Luka 8:13 - MMA SHIYYA

¹³ Na mbeu ilya indewa kundo kuwore mawe nkimwi na valya vaaranyaa kirero kilya na ikiwaria na ifura. Kake vawore mirarii ndi. Kyeeri kyaangu vatairikie, kake kyeeri kya yelelio̱ vakaiwukana.

Luka 8:13 ပူးပေါင်းရင်းမြစ်များ

Yohane 5:35

Ulya eekee sha taa ikee yaaka na imulika. Neeni mukakunda isenywa llanga yayo kwa kyeeri kyaangu tubu.

Barua ya Yuda 1:12

Vandu va vakee ilya andu emwi neeni miliyeń yanu ya makundano vakee va ukwe lwa nrimiń vakakuwuurusawo vatawore sonu. Wo nsha maṛumbe atawore fua eeriwaa mmburaato. Vakee sha miri yammaa yangara itawore nta nunda, yammaa yuma kavili na iiṛulwa kuru.

Barua ya Petiro ya kavili 2:22

Kyavva kwawo sha sumu ilya ya dede sheeli yarera: ”Ikite lyuiyaa ureeko lwayo“, na lingi: ”Nguve yansangywa ikwaruvaa lingi mabwashiń“.

Barua ya Petiro ya kavili 2:20

Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele.

Barua ya Vaebrania 10:39

Kake ise tikee kari ka valya vauyauyaa na numa na ireka ndi, kake tikee kari ka valya vakusuraa tikiṛe mirima yeru.

Barua ya Vaefeso 3:17

Na Kristo amu akukaarise ngooń tanu kwa inkusura, neeni muve vandu vakuwore tabu na inkunda na ikundana mu veni na mu veni.

Barua ya Yakobo 2:26

Amu sheeli wili utawore mumuyo ukee mfu, mfo kuro na ikusura lituṛie mitanie ni ifu.

Barua ya Timoteo ya mbele 1:19

kwiwaraa ikusura na nrima mweelwa. Veefo kiindi vandefikumba kwaasha vakareta ikusura lyawo.

Barua ya Vatesalonike ya mbele 3:5

Nań ili kitaare nndemakii isisiria lingi nanruma, amu mmanye ikusura lyanu, kwakooya nreya ulya ammureya na yaaraa lyeru likava kya ruu kwanu.

Barua ya Vakolosai 2:7

Muve vakuveekia si kwamwi na ikusongosia na ikukaarisia ikusureń sheeli mundeloshwa na yengeṛia iniingia yaana.

Barua ya Vagalatia 3:4

Findo ifi foose fa maṛiikiso mwamooruswa mwafiwaria kya ruu dede? Kwakooya nkuro nkya ruu.

Barua ya Vagalatia 3:1

Ini Vagalatia mukee vatondo! Wwaanga lungalu lundemuvinga mukalemwa ikusura kilya kikee kya dede? Mwamooruswa Yesu Kristo kumande allolikia misoń anu sheeli akabio̱ nsalabeń.

Barua ya Vakorinto ya mbele 15:2

Na ikiṛwa mukiṛwaa yyo, kwakooya mukuwore deń na mboni tilya nndemukwanisia. Ili kiikooyaa kitaare mundekusura kya ruu.

Yohane 15:6

Kwakooya nndu atakaa akulungie nań, akumbwaa wooṛo sha iṛamba, ifi lyauma. Na vandu vakaasaṅiṛia andu emwi vakaeeṛa muroń arongore.

Yohane 15:2

Na iṛamba lyoose likulungie nań likara litavika nunda alyutaa-fo. Na lia likee ivika nunda alyarambuyaa, amu lyengeṛie ivika.

Barua ya Vakolosai 1:23

kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.

Barua ya Vakorinto ya mbele 13:2

Na kwakooya niishi iringisia filya fivaa numa ana noore mboni ta fiṛisi foose ana noore iirikia lyoose lya kwa Iṛuva nserise nalyo ngyuro, ntawore ikunda nkee kindo ndi.

Mariko 6:20

Amu Herode eeṛee Yohane, fulya eeishii sheeli ni nndu nsumani, akee na nsongori. Kawwara na inringa. Neeli andemaa imwaranya, kataṛaaka nnu keengi. Kava mumwaranya na ifura.

Barua ya Yohane ya mbele 2:19

Vamuuka kweru ise, kake veekee va kweru ndi. Amu kikooye veekee va kweru, veekaa andu emwi neese. Kake kindeva kuro, amu vamanyike na baa sheeli nta woose wa kweru, ndi.

Luka 8:12

Mbeu ilya indewa shień nkimwi na valya vaaranyaa kirero kilya. Numa Satana kasha kauta kirero ngooń tawo, amu vatakikusure vakiṛwa.

Luka 8:14

Na mbeu ilya indewa kari ka miinga nkimwi na valya vaaranyaa kirero kilya vakaenda vakaimwa nngatara tawo ana masaa awo na ngyukesi tawo ta isanga li veeiraa weendo usha.