Luka 7:40 - MMA SHIYYA

⁴⁰ Lia eni Yesu kamwia: Simon, noore kindo nkwiaa. Na Simon kamwia: Shiia Mbee!

Luka 7:40 ပူးပေါင်းရင်းမြစ်များ

Yohane 16:30

Alli tiishi sheeli kwishi foose ana nta nndu akuuṛaa. Kwa ikyo tikukusurie na imanya, sheeli kuukie kwa Iṛuva muni.

Yohane 16:19

Yesu kamanya sheeli vafurie imwuṛa kavaia: Iki nkyo mukee ikusaṛa andu emwi, fulya namuia: Kiseere kinnya mutakishiloliaa, na lingi kiseere kinnya mushiloliaa lingi.

Yohane 13:13

Ini mushivaangaa llosha na Nndumi. Neeni mwarera kinuru, amu nniń ye.

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Luka 18:18

Lingi nndu umwi nnini kamwuṛa eereraa: Llosha nnuru, ntanaa are naań, amu nrwaa diṅu ya muu wa miṛeṛe?

Luka 6:8

Nae kamanya makusaṛo awo. Kaia nndu ulya wa uko lutoṛokombie: Kwimboo salala ia karikari! Kakwimboo kasalala-wo.

Luka 5:31

Na Yesu kaaṛua kavaia: Valya vatalole vaṛuyaa mwaanga ndi kita iwo valole tubu.

Luka 5:22

Na Yesu kamanya makusaṛo awo kaaṛua kavaia: Nkiki mukee ikusaṛa ifo mirimiń yanu?

Matayo 7:22

Nkonu ulya wa ifurumya veefo veengi vashiiaa: Nndumi Nndumi, tanringisya na irina lyafo se? Ana tamuumbuta mimuyo mikasha na irina lyafo se? Ana tantana mashoṛa manini na irina lyafo ndi?

Matayo 26:49

Lia eni kaserikya Yesu kamwisana kamwia: Llosha nnini kia! Kamwonga mimo.

Luka 7:39

Mfarisayo ulya eevaangiee Yesu kwamwi ili andelolia kuro, kakusaṛa ngooń yamwi eenumbuaa: Kifo nndu uu mmwauya fisuku dede, eemanyaa mikae ya nka uu akee imbaana, sheeli mmwaaisi.

Luka 7:41

Kamwia: Eeifoo nndu mwakuya vandu awore vaasile vavili. Ulya umwi amwakue shilingi mayana araanu na ulya ungi amwakue shilingi makumi araanu.