Luka 5:21 - MMA SHIYYA

²¹ Kyasia vaaria va mitisine na Vafarisayo vakabooka yuṛana wo veni na veni vakanumbua: Ni nndu ki uu akee irera firero fa irama Iṛuva? Ni i amakii itia vandu mareko awo kitaare ni Iṛuva muni?

Luka 5:21 ပူးပေါင်းရင်းမြစ်များ

Yohane 10:33

Vayuda vakamwaṛua: Nkiimba kya ishoṛa inuru tikee ikukaba na mawe ndi. Kake nkiimba kya kirumu kyafo kya iruma Iṛuva, neekai kukee nndu tubu kwakwaṛua ku muni kukee Iṛuva.

Luka 7:49

Na vandu valya veekee shoongeń andu emwi nae vakakusaṛa ngooń tawo: A nndu uu yye i katia vandu mareko awo?

Matayo 26:65

Llyo nkohani nnini arandaranda miseto yamwi eenumbuaa: Uu ammaa iruma Iṛuva. Tikisokodyaań ki kingi? Mwamiita alli kuri sheeli aruma Iṛuva. Mulla naare?

Barua ya Varome 8:33

Ni i aṛiingaa vasaue iva va Iṛuva? Iṛuva aiyo avataaliaa fa usumani.

Luka 5:17

Kyasia nkonu umwi eekee ilosha vandu, na Vafarisayo na valosha mavavaso veekee rembo io vaukie kimuṛin kyoose kya Galilaya na Yudaya na Yerusalemu. Na finya ya Nndumi iikee nae kamakii ikiṛa vandu.

Matayo 9:3

Na kiindi kya vaaṛia va mitisine vakakurera ifo ngooń tawo veenumbuaa: Uu anruma Iṛuva.

Luka 3:8

Kyasia vikeń nunda tisumani na nrima wa ikurra. Manya mutarere mwinumbuaa: Ise toore nde yeru Abraamu! Amu namuia kuri: Kari ka mawe va Iṛuva amakii yutia-fo Abraamu vana.

Luka 5:22

Na Yesu kamanya makusaṛo awo kaaṛua kavaia: Nkiki mukee ikusaṛa ifo mirimiń yanu?