Luka 4:18 - MMA SHIYYA

¹⁸ Mumuyo wa Nndumi nkwa ule yakwa, amu anshaamba mafura nkwanisie vandu vakiva mboni ya Iṛuva ya ifura. Kashiruma nkwanisie vafinge vaboṛomulwa na vafu miso vakooye ilolia lingi, nniinge valya vavavisio̱ muumu vaende,

Luka 4:18 ပူးပေါင်းရင်းမြစ်များ

Matayo 11:5

Midoń ikee ilolya na vandu vakee manketenkete a meengo vakee imakii yenda. Na valya vaworwa ni ivave vakee iva vesha na vafu marwi vakee iita. Na vafu vakee iṛuka na valya vakiva vakee ikwaniswa mboni shinuru ta ivakiṛa.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Luka 7:22

Llyo aaṛua kavaia: Endeń mukandeongoya Yohane ifi mwallolia na iita: Midoń ikee ikooya ilolia. Fitoṛokombo fikee yenda. Vaworwa ni ivave vakee ishia. Vafu marwi vakee iita. Vafu vakee iṛutwa. Vakiva vakee ikwanisio̱ mboni shinuru ta ifura.

Mitanie ya varumi 26:18

Kuvarue miso awo varie llema vashe langeń, vauke ushiliń lwa Satana vaaṛukie Iṛuva. Kuro vakooye itio̱ lya mareko awo na diṅu kari ka iwo vamiiliswa veeshikusuraa niń.

Yohane 12:46

Niń nansha isangeń nava langa, naamu nndu woose ashikusurie atakikaa llemiń.

Barua ya Petiro ya mbele 2:9

Kake ini mukee ufwari lundesaulwa, mukee na varasia va umangi, mukee vayakyama kisongori, mukee vandu vataue, amu mukwanise mitanie ya unini ya ito andemuuta llemiń kamuvaangia langa yamwi ya maṛiikiso.

Barua ya Vakolosai 1:13

Nae andetiiṛua finyeń ta llema katikaarisa umangiń lwa Mwana wamwi nkunde.

Matayo 4:16

vandu vakee llemiń vallolia langa nini na valya vakee kiṛishweń kyuu kya ufu langa yammulika kwa ule yawo.

Matayo 5:3

Vva ngoma valya vakee vakiva ngooń, amu wwo umangi lwa iṛuvewu luvaa lwawo.

Luka 6:20

Nae kaimboo miso kalla vanalosho vamwi. Kanumbua: Mukee va ngoma ini mukee vakiva, amu umangi lwa Iṛuva llwanu.

Yohane 3:34

Amu ulya anderumwa ni Iṛuva areraa firero fa Iṛuva. Fulya Iṛuva ataniingaa nndu Mumuyo wa kyelelio ndi.

Yohane 1:41

Na Anderea kabooka ilolia lya mbele mwanamae wamwi Simon kamwia: Tallolia Mesia — misendie yayo nkimwi na Kristo.

Matayo 12:20

Iraa lifotikye nta alifukyaa ndi. Na uruu lukee ifumbya musu nta alurunyaa ndi kumande annde uumisyo luvinge.

Mitanie ya varumi 4:27

Amu nkya dede Herode na Pontio Pilato andu emwi na vayavaṛumu na vandu va ngyufwari ta Isiraeli vandekusandya muṛiń uu na ikwimboyo ndundi wafo nsongori Yesu kundemwamba mafura,

Matayo 12:18

A uu ndundi wakwa nammusaua, yye nkunde wakwa ashisenye nrimiń. Nań nrwaa Mumuyo wakwa kwa ule yamwi. Nae aongoyaa vayavaṛumu kya uumisyo.

Luka 4:17

Kaniingio kitabu kya mwauya ulya Yesaya. Kakirua kakooya andu atisiṛie:

Mitanie ya varumi 4:26

Mamangi a isanga avva kimwi na vaitoṛo vakakwimboyo Nndumi na Kristo wamwi“.