Luka 3:11 - MMA SHIYYA

¹¹ Nae kavaaṛua kavaia: Ulya awore miseto ivili aavie ulya atawore. Na ulya akooyaa awore shoonga atane kuro da.

Luka 3:11 ပူးပေါင်းရင်းမြစ်များ

Barua ya Yohane ya mbele 3:17

Kake kwakooya nndu awore usimba lwa isangeń ili kalolia mwanamae wamwi akee nkiva kamwumisia ndewu, akundie are Iṛuva?

Barua ya Timoteo ya mbele 6:18

Vaikimbe vave vatana finuru, vave vasaṅiṛia masaa a mitanie misha, vave na maako na iva veelekana na vengi kwa kia kya nrima.

Luka 18:22

Ili Yesu andeita kuro, kamwia: Kukiseere na kindo kimwi. Andekumba foose kuwore kwaavia vakiva. Nawe kuvaa na masaa mafise ifo iṛuvewu. Kwammaa kusheń kushisoṛe.

Barua ya Yohane ya mbele 4:20

Kwakooya nndu anumbua: Nkundie Iṛuva kasua mwanamae wamwi, ito ni nndu wa wongo. Fulya nndu atakundie mwanamae wamwi allolie, akundaa are Iṛuva atallolie?

Barua ya Yakobo 1:27

Uṛundi lusenye lutawore ilomi kisanguń kya Iṛuva Nde llo ilu: Ni isengera vana va ngwera vandefiywa wasuṛi vawo na isengera vaka misiketi ngyukiveń tawo na ikuringa findo fa isanga fikee iṛindisa nrima.

Luka 11:41

Kyasia filya fikee kari lilień nafo vandu, Uyo foose fivaa finuru kwanu.

Matayo 25:40

Na mangi avaaṛuaa eevaiaa: Namuia kya dede: Kilya mwantanya vamwanamae vakwa iwo vannya na akwaa ni umwi tubu, mwanshitanya niń.

Barua ya Vaebrania 6:10

Amu Iṛuva mmurekio̱ arekio̱ mitanie yanu na ikunda lyanu mundeṛundia nalyo irina lyamwi mwiṛundiaa vasongori kuuka mbooko na alli ndi.

Mitanie ya varumi 10:31

Kashiia: Korinelio, itereva lyafo lyamiitiwa na misimbika yafo ikumbuywa mbele ya Iṛuva.

Mitanie ya varumi 10:4

Nae kamulla koroo kaeṛea kanumbua: Nkiki Nndumi? Malaika kamwia: Fiterewo fafo famfika ule na misimbika yafo na ikumbulwa mbele ya Iṛuva.

Mitanie ya varumi 10:2

Nae eekee nndu nsongovisi kakusura Iṛuva na numba yamwi yoose. Nae eekee muniinga misimbika miingi ya ililia vandu kalungana itereva Iṛuva mikonu yoose.

Yohane 13:29

Amu kiindi vakusaṛa ili Yuda arie mboloko ilya ya fesa, eeba Yesu amwia: Enda yuṛa findo fitinye fa kisuku, ana aniingie vakiva kindo.

Luka 19:8

Nae Sakayo kasalala kisanguń kya Nndumi kamwia: Lla te Mbee, masaa akwa noore naavanisaa feenga fivili nniinge vakiva kimwi. Na kwakooya nanraya ki do kya nndu niwwiiṛiaa na fiini.

Barua ya Vaefeso 4:28

Ulya amiiva atakiive lingi ndi, kake asaṅiṛie masaa amwi eeṛundaa na maako amwi, amu akooye kya iniinga vakiva.

Barua ya Timoteo ya mbele 6:17

Valya vawore masaa meengi kunu isangeń vaikimbe, kaaṛa vatakwishike ana manya vatakusurani na usimba, amu lutaṛakanaa ree. Kake kyawara vaveree Iṛuva uu atiaviaa foose na ififumbuta tikawuura kisha.

Barua ya Yakobo 2:14

Kyelekaa ki, vanavamae vakwa, kwakooya nndu anumbua: Nkusurie Iṛuva atawore mitanie? Ikusura lya mikae ii limakii inkiṛa?