Luka 22:32 - MMA SHIYYA

³² Kake niń nankuterevia kwa Iṛuva, amu ikusura lyafo litaangue. Nawe ili kwamiilashika numa, kaarisa na vanavamae vafo!

Luka 22:32 ပူးပေါင်းရင်းမြစ်များ

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Barua ya Vaebrania 7:25

Nae kiimba kya ikyo amakii ivakiṛa deń valya vasheaa Iṛuva veesalalio̱o̱ yye, fulya akee na muu kyeeri kilungani, amu avaterevie-wo.

Barua ya Petiro ya kavili 3:14

Kwa ikyo, vakunde, ili mukee iverea ifi, kuumiseń amu mukooywa unambweń mutaare ilomi ana usutu mbele yamwi.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Luka 8:13

Na mbeu ilya indewa kundo kuwore mawe nkimwi na valya vaaranyaa kirero kilya na ikiwaria na ifura. Kake vawore mirarii ndi. Kyeeri kyaangu vatairikie, kake kyeeri kya yelelio̱ vakaiwukana.

Mitanie ya varumi 3:19

Alli kurreń na iilashika mirima yanu, amu fikasha fanu fuutwa fimuuke!

Barua ya Petiro ya mbele 1:13

Nkyo kiteveto mukusongosie mirima yanu muvakani na vandu vakufingie fisiń. Mukootoye mwivereaa deń uwoo lu mwendio̱o̱ ni Yesu Kristo ili alolikaa na baa.

Barua ya Vaebrania 12:15

Lleń nnu nndu ataanguywa ni uwoo lwa Iṛuva. Manya ”nrarii wa kivawwo“ utamie na imutuṛua, na vandu vengi vataniingwa ukasha ni ikyo.

Matayo 18:3

Kanumbua: Nkya dede namuia: Kwakooya kitaare mweelashika muve va mikae ya fivana, nta mwakaa ifo umangiń lwa iṛuvewu kutu ndi.

Barua ya Yohane ya mbele 2:19

Vamuuka kweru ise, kake veekee va kweru ndi. Amu kikooye veekee va kweru, veekaa andu emwi neese. Kake kindeva kuro, amu vamanyike na baa sheeli nta woose wa kweru, ndi.

Yohane 14:19

Iseere mikonu myaangu vandu va isanga li vakishiloliaa ndi. Kake ini mushiloliaa, fulya nkee na muu, neeni mundekaa na muu.

Mariko 14:72

Na lia eni nguku ya shawu ikaikoro lya kavili. Petiro kakumbua kirero kilya Yesu eemwiaa: Kitaare nguku ya shawu yamiikoro kavili kushikanaa kararu. Neeli andekumbua kuro, kaiya.

Mariko 16:7

Neeni endeń mundeia vanalosho vamwi na Petiro, sheeli amwiriaa mbele yenda Galilaya. Ifo mfo mundelloliaa sha lia amuia.

Matayo 26:75

Io Petiro kakumbua kirero kilya kya Yesu eemwiaa: Kitaare nguku ya shawu yamaa iikoṛo, kushikanaa kararu. Kasomuka wooṛo ya muṛi kaiya kutu na unaari unini.

Barua ya Petiro ya mbele 1:1

Niń Petiro nkee nrumi wa Yesu Kristo. Namwisana ini mukee vasaue mulele ifo Ponto na Galatia na Kapadokia na Asia na Bitinia mukee vanyanyate mwikaa-fo winiń.

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Barua ya Tito 1:1

Niń Paulo nkee iketi lya Iṛuva na nrumi wa Yesu Kristo. Nnderawa vve muṛundia ikusura lya vasaue va Iṛuva na mimanyie ya udede lusumani na imweṛea.

Barua ya Timoteo ya kavili 2:18

vandetuṛa dede ilya veenumbuaa sheeli iṛuka lyammaa iva. Nkuro vandeteveta na vengi vatakusure lingi Nndumi.