Luka 22:19 - MMA SHIYYA

¹⁹ Kaimboo nkate kaana Iṛuva. Kaufukyafukya kavaniingia eevaiaa: Uu ni wili wakwa uniingio̱o̱ kiimba kyanu. Neeni taniń kuro amu mushikumbue niń.

Luka 22:19 ပူးပေါင်းရင်းမြစ်များ

Barua ya Vakorinto ya mbele 10:16

Umbata lua lwa mboṛa tiluniingaa mboṛa ni itaṅaṛia se usao lwa Kristo? Nkate ulya tikee yufukyafukya ni itaṅaṛia se vvili wa Kristo?

Luka 22:20

Na umbata lua lwiniwaa numa ya shoonga, katana kuro da eevaiaa: Umbata lu ni mma shiiya yaliwa na usao lwakwa, nalo lwiritwaa kiimba kyanu.

Barua ya Vakorinto ya mbele 10:4

Woose vakanwa minuiye imwi iikee ya Mumuyo, amu vandenuiya veeutaa mbambeń wa Mumuyo uriani nawo. Na mbamba ulya wikee Kristo.

Barua ya Tito 2:14

Na nkiṛa uu yye akuniingia kiimba kyeru. Na kiteveto katana kuro, naamu atitaue ukasheń loose na itisangya atisangye mirima, neese tive vandu vamwi vatomari vawore mitanie minuru.

Barua ya Petiro ya mbele 2:24

Yye muni akurika mareko eru kaarosia kiriń kya nsalaba andu emwi na wili wamwi, amu ise tilakaniswa na mareko na ikaa tikaa na muu wa iṛundia usumani. Mfaasha famwi findemukiṛa ini.

Barua ya Vaefeso 5:2

Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Barua ya Vagalatia 1:4

Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

Yohane 6:51

Niń nniń nkate to uukie iṛuvewu uwore muu. Na nkate to nndu kaulya alunganaa na muu. Na nkate uu nuuniingaa ni vvili wakwa uniingio̱o̱ amu va isangeń vakooye ikia muu.

Luka 24:30

Kyasia ili eekee rembo andu emwi nawo valye shoonga, kaimboo nkate kaana Iṛuva kafukyafukya kavaavia.

Matayo 14:19

Kavavasa vandu vakaariswa rembo ifo maṛeń. Kawaria mikate ilya iraanu na makunga alya avili. Kalla iṛuvewu kaana Iṛuva. Kafukyafukya mikate ilya kaniingya vanalosho na vanalosho vakandeavya vandu.

Yohane 6:23

Kyasia tikasha ngalava tingi tuuka kulya Tiberia tikafika kufui na alya valiya mikate, ili Nndumi ammaa yaana Iṛuva.

Luka 22:17

Kaimboo umbata kaana Iṛuva kanumbua: Ngyeń kwavień ini mu veni!

Barua ya Vatesalonike ya mbele 5:18

Aaneń Iṛuva findo foose, amu yyo mifurie ya Iṛuva, fulya mwawa va Kristo Yesu.

Barua ya Vagalatia 4:25

Amu kirero ki Hagari kivakani na uro lwa Sinai lukee kulya Warabu, nalo luvakani na Yerusalemu ya alli, fulya yo ikee uketiń andu emwi na vana vayo.

Matayo 15:36

Kawaria mikate ilya na makunga alya. Kaana Iṛuva kaifukyafukya kaniingya vanalosho vamwi. Nawo vakaavya isyamu lia.