Luka 2:14 - MMA SHIYYA

¹⁴ Iṛuva aṅiniswa akee iṛuvewu na isangeń luve unambwe kwa vandu valya vankundaa.

Luka 2:14 ပူးပေါင်းရင်းမြစ်များ

Barua ya Varome 5:1

Kyasia ili tansumaniswa kiimba kya ikusura Iṛuva, toore witanu na Iṛuva. Na ulya atiitanisa na Iṛuva ni Nndumi weru Yesu Kristo.

Luka 19:38

Vakanumbua: Eetikiswa ulya asha akee mangi arumwa ni Nndumi! Ifo iṛuvewu luvaa unambwe na nduma uvaa ifo ule!

Barua ya Vakolosai 1:20

amu ye aitanise findo oose na Iṛuva fikee kunu isangeń ana fikee iṛuvewu, kammaa innde unambwe na usao lwamwi andeluirita nsalabeń wamwi.

Luka 1:79

amu imulikie valya vakee llemiń na kiṛishweń kya ufu na yorusa marende eru shia ya unambwe.

Urambuyo lwa Yohane 5:13

Na foose fitani fikee iṛuvewu na filya fikee isangeń na kwa si ya isanga na fikee nruveń na findo foose fikee kari kayo nndeita fiinumbuaa: Mboṛa na tikisi na unini na imakii fivie ito akee rembo kifumbiń kya unini na ngarina ii miṛeṛe na miṛeṛe.

Mitanie ya varumi 10:36

Kirero kyamwi Iṛuva ankirumia vana va Isiraeli karika Yesu Kristo akwanisie vandu mboni shinuru ta unambwe. Uu akee Nndumi wa woose.

Yohane 17:4

Nań nankwitikisa ia isangeń naawutiaa ishoṛa lyo kwanshilivavasa lya iṛunda.

Barua ya Vatesalonike ya kavili 2:16

Na Nndumi weru Yesu Kristo muni na Iṛuva Nde yeru uu andetikunda katiniinga ifura lya miṛeṛe na iverea isha kwa uwoo lwamwi

Barua ya Vafilipi 2:11

na ngyulumi toose tirambue sheeli Yesu Kristo yye Nndumi na iitikisa Iṛuva Nde.

Luka 3:22

Na Mumuyo Nsongori kamwolokia kankaya afwanani na mbuku. Na ununga lukauka iṛuvewu lukavaanga: Iwe ni iwe Mwanakwa nkunde, nsenyo̱ ni iwe.

Matayo 21:9

Na vandu valya veekee mbele yamwi na valya veekee numa yamwi vakankabya nndoṛo veereraa: Osiana iwe Mwana wa Davidi! Eetikiswa ulya asha na irina lya Nndumi! Osiana iwe mangi ya iṛuvewu!

Barua ya Vaefeso 1:9

Kikansenya itirambuya kiṛisi kya makusaṛo amwi.

Barua ya Vaefeso 1:6

Katana kuro, amu uwoo lwamwi lukooye tikisi ilu andetiavia ilyo andeniingia Mwana wamwi nkunde.

Barua ya Vafilipi 2:13

Amu Iṛuva yye amuṛundiaa mirimiń yanu eemuniingaa finya ya ibooka mashoṛa anu na yamarisia, amu munsenye.

Barua ya Vaefeso 2:7

Katana kuro, amu mikonu yo ishaa aoruse ililia lyamwi sheeli likee iingi litavaa yelelia ili atililia nalyo ise tilungani na Kristo Yesu.

Barua ya Vaefeso 2:4

Kake fulya Iṛuva akee wa ililia iingi, kava na ikunda inini lya itikunda

Yohane 14:27

Ni unambwe namurea, ni unambwe lwakwa nankuniinga. Na miniingie yakwa ikee sha miniingie ya isanga ndi. Manya ngoo tanu titataṛaake ana mutawarwa wweṛei!

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Luka 2:13

Lia eni syamu ya ngyama ya iṛuvewu ikasha vakasangia na malaika ulya vaka-ṅinisa Iṛuva veemwimbiaa:

Luka 2:15

Ili vamalaika valya vandeuya iṛuvewu, veesi valya vakakurera: Ndefoń teende Betileemu, tindella kilya kyantanika-fo, kilya Nndumi antimanyisa.