Luka 2:10 - MMA SHIYYA

¹⁰ Malaika ulya kavaia: Muteeṛee! Fulya nkee imuia mboni ya ukyesi unini luviaa vandu woose.

Luka 2:10 ပူးပေါင်းရင်းမြစ်များ

Matayo 28:18

Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń.

Matayo 14:27

Lia eni Yesu karera nawo kavaia: Uywań mmuu! Nniń, manya mutaeṛee!

Luka 1:30

Malaika kamwia: Kuteeṛee Maria, amu kwankooya isekye ifo kwa Iṛuva.

Barua ya Vakolosai 1:23

kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.

Mitanie ya varumi 13:32

Neese tikee imukwanisia nrumi shisha ya kirekio kilya kinde-niingio̱ vaande yeru sheeli:

Luka 24:47

Nawo vandu valya vateeshi Iṛuva vakwanisio̱ mboni ya ikurra na ya itio̱ mareko veekuvavaa nae, nakyo kibookaa kunu Yerusalemu.

Luka 8:1

Kikava numa ya ifi kava akee ilengetialengetia miṛiń na fimiṛiń eeongoyaa na ikwanisa mboni shinuru ta umangi lwa Iṛuva. Na valya ikumi na vavili veekee andu emwi nae.

Barua ya Vaefeso 3:8

Niń nkee munnya wa vasangori woose nndeniingwa ililia li lya ikwanisia vayavaṛumu usimba lwa Kristo lutawore mmando

Luka 1:19

Malaika kamwaṛua kamwia: Nniń Gaburieli, nsalalaa mbele ya Iṛuva. Nań nanrumwa nrere nawe, nkufitie mboni ii shinuru.

Luka 1:13

Malaika ulya kamwia: Kuteeṛee Sakaria, amu kiterewo kyafo kyamiitiwa, na nka wafo Elisabeti akwiriaa mwana wa womi. Na irina lyamwi kuvvaangaa Yohane.

Mariko 1:15

eenumbuaa: Mikonu yamfika na umangi lwa Iṛuva lwansha kufui. Ilashikeń mirimiń mukakusura nrumi ii shisha.

Barua ya Varome 10:15

Lingi vakwanisaa are kitaare varumwa? Sheeli kyatisiṛwa: ”Lleń te marende a iwo vakee ikwanisa nrumi shisha sheeli asenye!“

Mariko 16:15

Kavaia: Endeń masangeń woose mundelosha vandu woose mboni shinuru ta ivakiṛa.

Matayo 28:5

Kake malaika ulya kaia vaka valya: Mutaeṛee! Niishi namanya mukee iṛuya Yesu ulya andekabyo nsalabeń.

Luka 2:11

Fulya nkonu wa nnu mwamiirio̱ Nkiṛa kulya muṛiń wa Davidi, uu akee Kristo Nndumi.