Luka 18:12 - MMA SHIYYA

¹² Kari ka mikonu mfungare nkee isinda kuro mikonu ivili ntalya shoonga. Lingi nkee ifukya kyeenga kyoose kya masaa akwa noore naniingia akava maanga a Iṛuva.

Luka 18:12 ပူးပေါင်းရင်းမြစ်များ

Luka 11:42

Kake ushi ini Vafarisayo! Fulya ini muniingiaa kyeenga kya ikumi kya nunda na nyanya na filimu foose, kake mukaira mbaai mukatia-wo ushili usongori na ikunda Iṛuva. Ifi fivili fimuwara mutane kitaare mutiaa-wo filya fingi

Matayo 9:14

Kyeeri kilya vanalosho va Yohane vakanshea vakamwia: Naamu ki ise na Vafarisayo tisindaa kuro, kake vanalosho vafo vatasindaa kuro?

Luka 17:10

Mfo kuro neeni: Mukammaa itana foose mwawavaswa, numbueń: Ise tikee maketi mannya. Tantana kilya kyawara titane da.

Barua ya Timoteo ya mbele 4:8

Amu wishiviṛi lwa wili lwelekaa kinnya da. Kake ikusura Iṛuva lyelekaa findoń foose, lingi liwore na kirekio kya muu wa alli na kya ulya uvaa numa.

Matayo 6:1

Kulleń kaaṛa mutaniingye misimbika yanu mbele ya vandu, amu mulolyo. Amu mukantana kuro, mumakii ikooya isekye kwa Nde yanu wa iṛuvewu ndi.

Barua ya Vaefeso 2:9

Ana nta mmashoṛa anu ndi, kaaṛa nndu atakushombe.

Barua ya Vagalatia 1:14

Nań niikee wa mbele kari ka veengi va irika lyakwa niikwatariaa mikae yoose ya kiyuda na ikabania nnu milimu yoose tindeniingio̱ wakuuku veru.

Barua ya Vakorinto ya mbele 1:29

Katana kuri, amu mbele yamwi nndu atakushombe-fo nta umwi.

Barua ya Varome 3:27

Nkwi ukuṅinisi lwafo lukai? Lwanraywa wooṛo. Nkwa ivavaso lya mikae ki? Nkwa ivavaso lya mitanie? Wode! Kake nkwa ivavaso lya ikusura.

Matayo 6:16

Lingi mukasinda kuro, manya mutave sha vamakavili, fulya wo vakunarisaa. Amu wo valemaa fisangu, naamu vamanyike vasindye kuro. Nkue namuia: Vammaa ikooya maṛe awo.

Matayo 6:5

Lingi ili mwiterevaa, manya mutave sha vamakavili. Amu vafurie nnu itereva vaselele ifo numba ta iterevya na ifo mbaai ya shia ta miri, amu valolyo vvandu. Nkue namuia: Vammaa ikooya maṛe awo.

Matayo 5:20

Namuia: Usumani lwanu lutankilyakilya usumani lwa vaaṛia va mitisine na lwa Vafarisayo, mufikaa umangiń lwa Iṛuva kutu ndi.