Luka 17:6 - MMA SHIYYA

⁶ Nndumi kanumbua: Mukavva na ikusura liiṅańani na mbeke ya karadali, mwiiaa nri uu wa nkuu: Iṛuka kundekuveekia kulya nraveń, nato wimwirikiaa.

Luka 17:6 ပူးပေါင်းရင်းမြစ်များ

Matayo 17:20

Yesu kavaia: Nkiimba kya ikusura lyanu likee yaangu. Amu namuia kya dede: Kwakooya mwaira ikusura na likava yaangu sha mbekye ya nri wa nkuu, muiaa uro lu: Kwimboo ia kwende kulya! Nalo luukaa-wo. Amu nta kiifo kindo mutamakii ndi.

Matayo 21:21

Yesu kaaṛua kavaia: Nkue nkue namuia: Kwakooya mukusuṛaa Iṛuva mutaare inunua, nta ni iki mutanaa sha kya nkuu uu ndi. Na akwaa mwaia uro lu: Iṛuka ia kukai kundekweeṛa ifo nruveń, kyasia kivaa kuro da.

Mariko 9:23

Yesu kamwia: Ili kwanumbua: Kwakooya kumakii! Manya findo foose fivaa kwa ulya akusuraa.

Luka 13:19

Luvakani na mbeu ya karadali indekurikwa ni nndu kayeeṛa nremiń yamwi. Nayo ikamia ikava nri. Na ndee ta ringewu tikakaa maṛambeń ayo. —

Barua ya Vakorinto ya mbele 13:2

Na kwakooya niishi iringisia filya fivaa numa ana noore mboni ta fiṛisi foose ana noore iirikia lyoose lya kwa Iṛuva nserise nalyo ngyuro, ntawore ikunda nkee kindo ndi.

Luka 19:4

Karisha na mbele kasaama nriń wa nkuu, amu allolie. Fulya shia ilya (Yesu eekee iira) wwo iiriee.

Mariko 4:31

Luvakani na mbeu ya karadali. Neeli yeeṛwaa ifo si, nshinnya kita mbeu toose tikee yeeṛwa ifo si.

Luka 7:13

Ili Nndumi andellolia, kavavio̱ mmuu kiimba kyamwi kamwia: Kutakiiye ndi, yeyo!

Luka 7:19

Llyo Yohane avaanga vavili kari ka vanalosho vamwi kavaruma kwa Nndumi vaende imwuṛa: Iwe ni iwe ulya ashaa, ana tikaverea ungi?

Luka 17:7

A kunu kwanu eefo nndu awore ndundi wamwi wa irema na ikumbi lya numbe ana wa iisa findo, kwakooya asha na kyeń auka nremiń, nae amwie: Sie ree kaa rembo kulye shoonga?

Matayo 14:29

Nae kamwia: Oṛesho! Petiro kaoloka ngalaveń kaenda na marende kwa ule ya mura eeshaa na kulya Yesu akai.