Luka 16:16 - MMA SHIYYA

¹⁶ Mboni ta mavavaso na ta vaauya fisuku tiifoo kumande Yohane asha. Kuuka kyeeri kyo mboni shisha ta umangi lwa Iṛuva tikwaniswaa. Na nndu woose akwataa-fo na finya.

Luka 16:16 ပူးပေါင်းရင်းမြစ်များ

Matayo 21:32

Amu lia Yohane mbatisa ashe kwanu, alatya shia ya usumani, neeni nta ikunda imwirikya. Kake vasaniṛya kyaalo na vaka va shia wwo vakunda inkusura. Neeni ili mundelolya kive kuro, nta ikurra numa ana ikunda iilashika munkusure.

Yohane 1:45

Na Filipo kalolia Natanaeli kamwia: Ulya asendwa mMose mavavasoń na akwaa vvaauya fisuku vakansenda tammaa illolia, yye Yesu wa kulya Nasareti, mmwana wa Yosefu.

Luka 16:31

Abraamu kamwia: Kwakooya kitaare vaaranyaa Mose na vaauya fisuku valya, na akwaa nndu aṛuka auka kwa vafu vamwirikiaa nta ndi.

Matayo 3:2

Ilashikeń mirimiń yanu, fulya umangi lwa Iṛuva lwansha kufui.

Mitanie ya varumi 3:18

Kake yyo shia Iṛuva andeawutia nayo filya andefikwanisa mbele kwa kana ka vaauya fisuku woose kya matuṛulwa a Kristo wamwi.

Luka 16:29

Abraamu kamwia: Vawore firero fa Mose na fa vaauya fisuku valya, vavaaranye wo.

Luka 10:11

Na akwaa mfunga ya muṛiń wanu ikee marendeń eru taiangatia imuuiye. Kake manyiń sheeli umangi lwa Iṛuva lwansha kufui.

Luka 10:9

Kiṛeń valya muvakooyaa-fo valole, muvaie: Umangi lwa Iṛuva lwammushea kufui.

Matayo 4:17

Kuuka kyeeri kyo llyo Yesu abooka ikwanisa eenumbuaa: Ilashikeń mirimiń yanu, amu umangi lwa Iṛuva lwansha kufui.

Luka 9:2

Kavaruma amu vandeongoya vandu mboni ta umangi lwa Iṛuva na ishiisa valole.

Mariko 1:14

Ili Yohane andemaa ifingwa, Yesu kasha Galilaya kakwanisa nrumi ya Iṛuva ya ifura

Matayo 10:7

Neeli mwiendaa, kwaniseń mwinumbuaa: Umangi lwa iṛuvewu lwansha kufui.

Yohane 12:19

Kyasia Vafarisayo vakakurera wo veni na veni: Mulolie sheeli nta kindo mukimakii. Lleń te isanga lyoose linrie numa.

Yohane 11:48

Tikamia kuri vandu woose vankusuraa. Numa Varome vashaa na itisoka uruka na vandu.

Mariko 1:45

Kake ili andelakana-wo, kabooka yongoya firero fiingi na ikwanisa mboni ilya. Na Yesu andekimakii lingi iṛua muṛiń wa vandu na baa ndi. Kakaa kyaanya andu vatayo vandu. Kake vandu vakanshea vauka taari toose.

Matayo 4:23

Nae kava akee ilengetya kulya Galilaya koose eeloshaa ifo numba tawo ta iterevya na yongoya vandu mboni ya ifura ya umangi lwa Iṛuva na ikiṛa saka toose na utanyari lukee miviliń ya vandu.

Matayo 15:11

Nta nkilya kikee yaka kaniń nkyo kiniingaa nndu ukwe ndi. Kake nkilya kikee isomuka kaniń nkyo kiniingaa nndu ukwe.

Yohane 5:4

Na woose veekee iverea mura ukoole. (Amu kiifoo kyeeri malaika eeolokaa iruveń lia kaolaola mura ulya. Na ulya ambooka yoloka-fo ili mura wakoola kava nsha saka yamwi na ikava ki.)