Luka 14:21 - MMA SHIYYA

²¹ Nseṛo ulya kauya kyeń kaongoya nndumi wamwi mboni tilya. Nndumi ulya kaliwa nngoo kaia nseṛo wamwi: Saṛika ree kufike kulya mikoń na shień ta uruka, kundennde vakiva na fisaya na ngoshini na vandu midoń vashe na kunu.

Luka 14:21 ပူးပေါင်းရင်းမြစ်များ

Luka 14:13

Kake kwansongosia imutu lya ivaangia vandu, vaanga vakiva na fisaya na vatoṛokombie meengo na vafu miso.

Matayo 11:5

Midoń ikee ilolya na vandu vakee manketenkete a meengo vakee imakii yenda. Na valya vaworwa ni ivave vakee iva vesha na vafu marwi vakee iita. Na vafu vakee iṛuka na valya vakiva vakee ikwaniswa mboni shinuru ta ivakiṛa.

Yohane 9:39

Na Yesu kanumbua: Niń nansha isangeń ninnde llakanu: Valya vatalolie amu valolie, na valya valolie amu vave vafu miso.

Luka 14:24

Nań namuia: Nta umwi wa vandu valya veekee vaaṛie nrumi akombaa imutu lyakwa ndi.

Barua ya Vaebrania 2:3

a ise naare tirishaa uumisio, ili tibiṛie nrumi shisha ya ikiṛwa iṅini kuri? Ni Nndumi muni ndi andebooka itiongoya nrumi ii? Nayo ikarambulwa numa vvalya vandeiita na marwi awo.

Urambuyo lwa Yohane 22:17

Na Mumuyo na sambuṛa ilya ya wali vakee inumbua: Oṛesho! Na ulya aitaa iki anumbue: Oṛesho! Na ulya aworwa nnyura ashe. Na alangie awarie mura wa muu kya ruu.

Urambuyo lwa Yohane 19:15

Na shombo shooi ikauka kaniń kamwi akabe nayo vandu va isanga. Nae avaisaa na mbiiri ya minya. Nae yye akee ivaria-varia ikamioń lya mfinyo wa uvaave lwa ituṛuka lya Iṛuva muni finya.

Barua ya Vaebrania 13:17

Irikień iwo vamwirie mbele na ivakunyiisia, fulya iwo valalaa rembo veekusaṛiaa mirima yanu, amu wwo vakaa vauṛwa kiimba kyayo. Kutomariseń itana kuro, amu vatane mashoṛa awo na ifura kitaare vakee idia, amu iki kimwelekaa ndi.

Luka 24:47

Nawo vandu valya vateeshi Iṛuva vakwanisio̱ mboni ya ikurra na ya itio̱ mareko veekuvavaa nae, nakyo kibookaa kunu Yerusalemu.

Matayo 11:28

Oṛeshoń kwakwa ini mu woose muṛiikisyo mmikae yanu ya kivandu, nań mmuwiiṛyaa muu!

Luka 9:10

Varumi valya vakauya vakashemwongoya foose vandetana. Nae kavakurika kaenda kumande muṛiń ulya uvaangwaa Betisaida, amu akaa-fo kyaanya kyamwi andu emwi nawo.

Matayo 18:31

Neeli vaṛundi valya vengi vandelolya kilya nsile ulya andetanya ulya ungi, vakaṛiika koṛoń vakandeongoya mangi filya foose findeva.

Matayo 15:12

Llyo vanalosho vamwi vakanshea vakamwia: Kwishi sheeli ili Vafarisayo vaita kirero kilya vasua?

Luka 14:20

Na ulya wa kararu kanumbua: Namoora nka, nkyo kindo kyashiima niishaa.

Luka 14:22

Nseṛo ulya kataana kuro kasha kaia nndumi wamwi: Filya kundevavasa fantanika, kake akiseere-wo andu.

Matayo 20:7

Vakamwia: Eefo nndu antivaanga ndi. Kavaia: Neeni endeń nremiń yakwa.