Luka 12:5 - MMA SHIYYA

⁵ Kake mmworusaa ulya mumweṛeaa. Eṛeeń ulya amakii iwaa, numa awore na finya ya yeeṛa nndu muroń. Ee namuia: Eṛeeń ito!

Luka 12:5 ပူးပေါင်းရင်းမြစ်များ

Barua ya Petiro ya kavili 2:4

Amu na vamalaika valya vanderekio̱ Iṛuva andevatia ndi, kake kavaeeṛa andu a si kavarwaa fifingioń fa llema varingwa-fo kumande uumisio lwawo lushaa.

Matayo 10:28

Manya mutaeṛee iwo vawore finya ya iwaa vvili da, vatamakii iwaa nrima. Kake eṛeeń ito awore finya ya ireta vvili na nrima na yeeṛa muroń utasiaa.

Urambuyo lwa Yohane 14:7

Karera na ununga unini kanumbua: Eṛeeń Iṛuva na ińńinisa, amu kyeeri kya uumisio lwamwi kyansha, wwoyeń ye andetana iṛuvewu na isanga na nruva na miso a mira.

Barua ya Vaebrania 10:31

Nkindo kya yeṛeese iwa maakoń a Iṛuva eefo na muu.

Urambuyo lwa Yohane 20:14

Na ufu na kundo kulya kwa vafu fikakumbwa iruveń lia lya muro. Ilu llo ufu lwa kavili, ni iniva lia lya muro.

Barua ya Vatesalonike ya mbele 4:6

Nta nndu atafukye mwanamae wamwi na illemba kiimba kya mbusha, fulya Nndumi aumisiaa ifi foose, sheeli tamukwanisia na imurambuya.

Matayo 25:41

Llyo mangi aiaa valya va uko lwamwi umbuyo: Ukeń ia kwakwa, ini vadenge! Mwende muroń utakisiaa undefisyo Satana na vamalaika vamwi!

Urambuyo lwa Yohane 15:4

Ni i atakweṛeaa, ee Nndumi, ana ni i ataitikisaa irina lyafo? Amu iwe ku muni kukee Nsongori. Amu va masanga woose vashaa na ikuwoya iwe kisanguń kyafo. Fulya usumani lwafo lwammaa irambuka“.

Matayo 5:22

Kake niń namuia: Ulya woose anaa na nndu ungi kya ruu, aumisyo̱o̱. Na ulya arumaa nndu ungi kya ruu, arawaa kikweniń kya masiingo. Na ulya aiaa nndu ungi kya ruu: Kusule Iṛuva, arawaa muroń utakisyaa.

Matayo 25:46

Nawo veendaa vakaa na ukiva lutasiaa. Na valya va usumani wo veendaa vakaa na muu utakisiaa.

Mariko 13:23

Neeni kulleń, fulya nambooka imuia foose.