Luka 11:13 - MMA SHIYYA

¹³ Kyasiań kwakooya ini, mukee varekwa, mwishi iniinga vana vanu findo fisha, nkilanya se Nde yanu wa iṛuvewu aniingaa valya vakee intereva Mumuyo wamwi Nsongori?

Luka 11:13 ပူးပေါင်းရင်းမြစ်များ

Matayo 7:11

Kyasiań kwakooya ini mukee varekwa mwishi iniinga vana vanu findo fisha, a Nde yanu wa iṛuvewu yye kilanya se aniingaa valya vakee intereva fisha?

Yohane 4:10

Yesu kamwaṛua kamwia: Kikooye kwimanyaa wavi lwa Iṛuva na imanya nndu uu akuia: Shirita mura nnwe, llyo nawe kwinterevaa, nae eekuniingaa mura uwore muu.

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Mitanie ya varumi 2:38

Petiro kavaia: Kurreń, na nndu woose abatisio̱ irina lyo lya Yesu Kristo mukooye itio̱ lya mareko anu. Neeni mukooyaa wavi lwa Mumuyo Nsongori.

Matayo 6:14

Amu kwakooya mutiaa vandu vengi mareko awo, na Nde yanu wa iṛuvewu amutiaa neeni.

Matayo 6:32

Amu valya vateeshi Iṛuva wwo valangye findo fa mikae yo. Amu Nde yanu wa iṛuvewu yye eeshi sheeli muuṛi ifi foose.

Luka 11:2

Kavaia: Mukatereva Iṛuva numbueń kuri: Wui Nde, irina lyafo liindio̱. Umangi lwafo lushe.

Matayo 6:30

Kyasia maṛe a ifo usakeń ayyo nnu na ndesi akandeeṛwa muroń, Iṛuva amaambika kuro, aengeṛyaa imutania ini se? Nki ili mutankusuraań?

Matayo 5:45

Tanyeń valya vamusule finuru, terevyeń valya vakee imukura nkuru na imuumbuta. Amu mulolyo sheeli mukee vana va Nde yanu wa iṛuvewu. Fulya yye akee irosa saa yamwi ikavaya vakasha na vanuru. Kannde fua yamwi ikakaba kwa iwo va usumani na kwa iwo vabiṛa.

Matayo 5:16

Mfo kuro neeni veń vandu vamulikyaa vengi, amu valolie mitanye yanu misha, vautye-wo ińinisa Nde yanu wa iṛuvewu.

Barua ya Varome 7:18

Amu niishi sheeli kari kakwa (nkimwi na wifiń wakwa) kikaa-fo kikee kinuru ndi. Amu ikunda kilya kinuru nakunda da, kake itana kilya kikee kinuru nkooyaa ndi.

Barua ya Varome 5:17

Amu kwakooya kwa irekio̱ lya nndu ulya umwi ufu lundeitoṛo kiimba kya ulya umwi, ni mmwasi iwo vakee iwaria wiingi lwa ililia na miniingie ilya ya usumani veetoṛoo ifo muuń utakisiaa vakuwore na ulya umwi yye Yesu Kristo.

Barua ya Tito 3:3

Amu ilyo mbele neese tiikee vandu vatawore uṛango tiikee valea na vareti na iṛundia ilanga lya mikae miingi likee itisenya tikaengeṛia ukasha na iira iriso na ikutuṛukia ti veni na ti veni.

Luka 11:12

Ana antereve ngosho ya nguku na ndee anniinge nguluva andu a ngosho?

Luka 18:7

A Iṛuva araa atafukiya iwo awasaua vakee illilia kio na nsanyiń, nae avatevese tubu?