Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.
Ili Yesu andeita kuro, kamwia: Kukiseere na kindo kimwi. Andekumba foose kuwore kwaavia vakiva. Nawe kuvaa na masaa mafise ifo iṛuvewu. Kwammaa kusheń kushisoṛe.
Abraamu kamwia: Mwanakwa, kumbua sheeli kwawaria fa usha lwafo lia kukee na muu. Na Lasaro ye kalya ukiva. Kake alli ye akee iwiiṛio̱ muu kunu, nawe kukee iliswa ukiva.
Manya mutakwatarie mashoṛa a shoonga ikashaa, kwatarień shoonga yo ikaa kumande muu wa miṛeṛe. Nayo yyo Mwana wa nndu amuniingaa, amu ito yye anderwaywa kiringisio nNdee yye Iṛuva.
Na Maria kaimboo wembe luwore mafura a mikae minuru kutu, awore uuru unini. Kaamba marende a Yesu mafura alya kaangua na mafuli amwi a nrwe. Na numba yoose ikaishua kisaamu kya mafura alya.