Luka 10:2 - MMA SHIYYA

² Kavaia: Fa iilula favva fiingi, kake vaṛundi va mashoṛa vvaangu. Kyasia tereveń Nndumi wa iilula arume vaṛundi iilulioń lyamwi.

Luka 10:2 ပူးပေါင်းရင်းမြစ်များ

Barua ya Vatesalonike ya mbele 5:12

Tamutereva, muṛe vanavama, indień valya vakee imuṛundia mashoṛa a siṛi na imushilia vakuwore na Nndumi na imufunda na imwikimba.

Mariko 16:15

Kavaia: Endeń masangeń woose mundelosha vandu woose mboni shinuru ta ivakiṛa.

Barua ya Timoteo ya kavili 4:5

Kake iwe ṛangua findoń foose. Sisiria ngatara. Kwanisa mboni shinuru ya ikia. Awutia uṛundi lwafo.

Barua ya Vatesalonike ya kavili 3:1

Lya ifurumia vanavama, titerevień amu kirero kya Nndumi kikwani na iindio̱ sha kulya kwanu.

Mariko 13:34

Kivakani sheeli nndu aendaa kyaaṛo katia numba yamwi. Kavavasia masinga amwi nndu woose na ishoṛa lyamwi. Kavavasa nringi wa mwaango alale rembo.

Barua ya Timoteo ya mbele 4:10

Kiimba kya iki tikee yatarikia kirero iki na tikarumwa, fulya tikusurie Iṛuva muni muu akee nkiṛa wa vandu woose na kilanya wa iwo vamwirikie.

Mitanie ya varumi 22:21

Nae kashiia: Kwendie da, amu niń nkurumaa kwende kwaasha kwa vayavaṛumu.

Mitanie ya varumi 20:28

Kuringeńń mu veni na shoo yoose, amu Mumuyo Nsongori amurambikia mwisalalie, mumakii itumbana siṛi ya Iṛuva andeiuṛa na usao lwamwi weni.

Mitanie ya varumi 13:4

Kyasiań vandu wo ili vandemaa irumwa Mmumuyo Nsongori vakainama Seloikia. Na kuuka ifo vakaira nruveń vakafika Kipiro.

Mitanie ya varumi 13:2

Kyasia iva ili veeterevaa Nndumi na ikootoya Mumuyo Nsongori kanumbua: Shisauyeń Barinaba na Saulo vaende mashoṛeń alya nndevavaangia.

Mitanie ya varumi 11:19

Kyasia valya vandetaṛakana kiimba kya ukiva lundevavia lwa mboni ya Stefano vakaenda kumande Foinike na Kipiro na Antiokia nta yongoya nndu mboni yo kita Vayuda da kyaanya kyawo.

Mitanie ya varumi 8:4

Kake valya vandetaṛakana vakaenda ifo na ifo veekwanisaa kirero kilya.

Luka 9:1

Kyasia kavaanga valya ikumi na vavili kavaniinga finya na miitoṛio ya iitoṛio mimuyo mikasha yoose na ikiṛa saka toose.

Mariko 16:20

Na vaseṛo vamwi vakaenda vakakwanisa mboni shinuru ta Iṛuva koose. Na Nndumi katana mashoṛa andu emwi nawo kakaarisa firero filya fawo na myorusie ilya ya finya iilunganii nawo.

Matayo 20:1

Umangi lwa iṛuvewu luvakani na nndumi andekwimboo ngama aṛuye vandu va indundya nremiń yamwi.

Barua ya Vafilipi 2:25

Kake nankabiṛio̱ nrimiń wwiiṛe Epafurodito kwanu. Ye mmwanama na uṛoe wakwa wa mashoṛa na wa fira, lingi mundenruma kwakwa asheendie findo fanu fa ishilela muu.

Barua ya Vafilipi 2:21

Amu woose vasoṛaa kilya kikee kyawo, vasoṛaa kilya kikee kya Kristo Yesu ndi.

Barua ya Vakorinto ya mbele 12:28

Veefo Iṛuva avarwaa ifo siṛiń: Va mbele warumi, va kavili waauya, va kararu vvalosha, lingi watana fa maṛiikiso, lingi waavie finya ta ikiṛa valole, lingi weeleki, lingi wairia mbele, lingi mmakanika a mirerie.

Barua ya Vakolosai 1:29

Nań nkee ikwatara kwa ikyo na ikabana kwa finya ya ito akee nań na imakii lyamwi.

Barua ya Vafilipi 2:30

Amu kwa kiimba kya ishoṛa lya Kristo aserikia ufu, nta iringa muu wamwi eelangaa yengeṛia kilya kitaare ini mwikee imakii ishiṛundia.

Barua ya Vaebrania 3:6

Kake Kristo mMwana eetoṛio numba ii yamwi. Amu numba ii yamwi ni ise, kwakooya tikuwaraa na finya ya nrima na iṅinisa iverea lyeru kumande ifurumia.

Barua ya Vatesalonike ya mbele 2:9

Amu, vanavama, mukumbue ngatara teru na yatarika lyeru, fulya tindeṛunda mashoṛa kio na nsanyiń, kaaṛa titasisiṛe nta nndu umwi wanu, ili tindemukwanisia nrumi ya Iṛuva kuro.

Barua ya Vakolosai 4:12

Epafira amwisana akee nndu wa kwanu, ni iketi lya Yesu Kristo eetaniaa utomari mikonu yoose kiimba kyanu fiterewoń famwi, amu musalale kyumu ikusureń na ikukaarisia findoń foose filya Iṛuva afurie.

Barua ya Vakorinto ya kavili 6:1

Kake ili ise tikee uṛundiń ilu lwa iṛundia Iṛuva, tikee imufunda: Manya mutawarie ililia lya Iṛuva kya ruu.

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Barua ya Filemon 1:1

Niń Paulo nkee mfinge kiimba kya Kristo Yesu. Ise na Timoteo mwanamae weru takwisana iwe Filemon nkunde weru kukee ndundi wa mashora andu emwi neese.

Urambuyo lwa Yohane 2:1

Mwisi ulya wa siṛi ikee Efeso ntisiṛie: A fi firero anrera ito awore nyinyiri mfungare ukoń lwamwi usha, ni ulya akee iṛua kari ka taa tilya mfungare ta saabu. Nafo mfo ifi: