Luka 10:17 - MMA SHIYYA

¹⁷ Valya makumi mfungare vakauya na ifura veenumbuaa: Nndumi, na akwaa mmimuyo mikasha indetiirikia kiimba kya irina lyafo.

Luka 10:17 ပူးပေါင်းရင်းမြစ်များ

Barua ya Varome 16:20

Nae Iṛuva muni unambwe avariavariaa Satana kwa si ya marende anu ree. Uwoo lwa Nndumi weru Yesu Kristo lukaa neeni! Amen.

Mariko 16:17

Na myorusie ilya ya finya ilunganaa na valya vakusuraa yyo ii: Na irina lyakwa vaumbutaa mimuyo mikasha, vareraa na mirerie miiya.

Luka 9:1

Kyasia kavaanga valya ikumi na vavili kavaniinga finya na miitoṛio ya iitoṛio mimuyo mikasha yoose na ikiṛa saka toose.

Luka 10:1

Kyasia numa ya ifi Nndumi kasaua na vandu vengi makumi mfungare. Kavaruma vavili vavili vamwirie mbele yenda muṛiń woose na kundo koose eendeeṛiaa yenda ye muni.

Luka 10:9

Kiṛeń valya muvakooyaa-fo valole, muvaie: Umangi lwa Iṛuva lwammushea kufui.

Matayo 4:24

Na nduma wamwi tikakwana kulya Siria koose. Vakamwendee vandu valole saka ta mikae miingi ta ivavisa nnu na valya veeworwaa mmimuyo mikasha na vasukwa na va saka ta meengo. Nae kavakiṛa.

Luka 10:20

Kake manya mutafure, fulya mimuyo mikasha imwirikie ndi. Kake fureń, fulya marina anu akee matisiṛe kulya iṛuvewu.

Barua ya Vaefeso 5:24

Sheeli siṛi iindiaa Kristo, mfo kuro na vaka nawo veendie womi vawo findoń foose.