Luka 1:35 - MMA SHIYYA

³⁵ Malaika kamwaṛua kamwia: Ni Mumuyo Nsongori akwolokiaa na finya ya ulya akee kwa ule ya findo foose ikusikiaa sha kiṛishwe. Kiimba kya ikyo ikyo kisongori kiiriwaa ni iwe kivaangwaa Mwana wa Iṛuva.

Luka 1:35 ပူးပေါင်းရင်းမြစ်များ

Matayo 1:18

Kyasia iiriwa lya Yesu lyave kuri: Mae wamwi Maria eefingyoo ni Yosefu. Na kitaare veensangyaa andu emwi kamanyika sheeli akufingye kwa finya ya Mumuyo Nsongori.

Matayo 1:20

Neeli eekusaṛaa kuro, malaika wa Iṛuva kanshea yorień kanumbua: Iwe Yosefu mwana wa Davidi, manya kutaeṛee yalika nka wafo Maria, amu ikufinga lyamwi nkwa finya ya Mumuyo Nsongori.

Matayo 14:33

Na valya veekee ngalaveń vakawwoya veenumbuaa: Nkya dede iwe kukee Mwana wa Iṛuva.

Matayo 27:54

Kyasia nshili ulya wa vasikari andu emwi na valya veekee nae veeringaa Yesu ili vandelolya irerema lya isanga na filya findetanika, vakaeṛea nnu veenumbuaa: Nkue uu mMwana wa Iṛuva.

Matayo 4:3

Nreya ulya kanshea kamwia: Kwakooya kukee Mwana wa Iṛuva, vavasa mawe va ave shoonga.

Mariko 1:1

Nrumi shisha ya Iṛuva sheeli indenndwa ni Yesu Kristo Mwana wa Iṛuva, indebooka kuri

Mariko 1:24

eenumbuaa: Nkiki toore nawe, Yesu wa Nasareti? Kwansha itireta! Tikwishi sheeli ni iwe i. Ni iwe Nsongori wa Iṛuva.

Luka 1:27

kwa mwana wa sambuṛa kilana eefingio̱o̱ ni nseṛo avaangwa Yosefu, akee wa ufwari lwa kwa Davidi. Na irina lya kilana ito mMaria.

Luka 1:34

Maria kaia malaika ulya: A kirero ikyo kivaa are, nań kitaare nankwania na nndumi?

Luka 1:36

Lingi lla te mfwari wafo Elisabeti nae akufingie na mwana wa womi, lla kasa ankua. Na mwiri uu wamwi wwa karindaru. Nae andevaangwa kyuumba.

Yohane 1:34

Nań nammulolia, lingi nammurambua sheeli uu mMwana wa Iṛuva.

Yohane 1:49

Natanaeli kamwaṛua: Llosha iwe ni iwe Mwana wa Iṛuva, ni iwe kukee mangi ya Isiraeli.

Yohane 20:31

Kake ii yantisiṛwa, amu mukusure sheeli Yesu nKristo Mwana wa Iṛuva, na kiimba kya ikusura li mulolie muu mukuvavie na irina lyamwi.

Mitanie ya varumi 8:36

Ili vandeenda-enda vakafika mureń. Nshili ulya kaia Filipo: A uuń mura. Kiifo kindo kishiimaa niibatiswaa?

Barua ya Varome 1:4

Kalolika na baa sheeli mMwana wa Iṛuva muni finya kwa mikae ya kiMumuyo Nsongori eeṛutwaa kwa vafu, yye Yesu Kristo Nndumi weru.

Barua ya Vagalatia 2:20

Lingi nniń ndi nkee na muu, kake ulya akee na muu kari kakwa nKristo. Amu muu uu wa vvili nkikee nato nuuwore niikusuranaa na Mwana wa Iṛuva uu andeshikunda kakuniingia kiimba kyakwa.

Barua ya Vaefeso 2:3

Ifo kari kawo tindeṛua neese ti woose mbele tiikee na malanga a mivili yeru tiiawutiaa mifurie ya mivili yeru na ya makusaṛo eru, tikava vandu vasumani na uumisio lwa Iṛuva sha iwo vengi.

Barua ya Vaebrania 4:15

Fulya titawore nrasia nnini atamakii ivavio̱ mmuu kya ngyutanyaṛi teru, kake andeelelio̱ findoń foose sheese, nta ivingwa mmareko.