Luka 1:32 - MMA SHIYYA

³² Ito avaa nnini, avaangwaa mwana wa ito akee ule ya findo foose. Na Nndumi Iṛuva anniingaa kifumbi kya umangi lwa Davidi ndee wamwi.

Luka 1:32 ပူးပေါင်းရင်းမြစ်များ

Matayo 1:1

Iki nkyo kitabu kiwore mboni ya ufwari lwa Yesu Kristo. Ye akee mfwari wa Davidi ulya akee mfwari wa Abraamu.

Matayo 12:42

Mangi nka ulya wa taari ya itate asalalaa nkonu ulya wa uumisyo andu emwi na vandu va ufwari lu, nae avaumisyaa sheeli warekwa. Amu ye ashe auka taari ta mmando wa isanga, amu ashearanya waṛia lwa Salomon. Na ia ayo ito akee nnini kita Salomon.

Matayo 28:18

Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń.

Matayo 3:11

Nkya dede niń nkee imubatisa na mura kiimba kya iilashika. Kake ito ashaa numa yakwa awore finya kita niń. Ana nta nkaṛiaa ikurika faaru famwi ndi. Ye amubatisaa na Mumuyo Nsongori na muro.

Mariko 14:61

Nae kasia do, nta yaraa kirero. Nkohani nnini kamwuṛa lingi kamwia: Iwe ni iwe Kristo Mwana wa ulya aarafumwa?

Mariko 5:7

Kaṛoṛongya na ununga unini eenumbuaa: Nkiki noore nawe, Yesu Mwana wa Iṛuva akee kwa ule ya foose? Shiliya ikite na Iṛuva, akwaa kutashivavisaa.

Luka 1:15

Fulya akaa ave nnini mbele ya kisangu kya Nndumi, nta atanwaa mfinyo ana kindo kya inanga. Nae eeshuṛwaa Mumuyo Nsongori kuuka ndewuń ya mae.

Luka 1:35

Malaika kamwaṛua kamwia: Ni Mumuyo Nsongori akwolokiaa na finya ya ulya akee kwa ule ya findo foose ikusikiaa sha kiṛishwe. Kiimba kya ikyo ikyo kisongori kiiriwaa ni iwe kivaangwaa Mwana wa Iṛuva.

Luka 1:76

Nawe kimwana, kuvaangwaa mwauya wa ulya akee ule. Amu kwiriaa Nndumi mbele kunsongosie shia tamwi,

Luka 3:16

Yohane kavaaṛua kavaia woose: Niń namubatisa na mura. Kake eefo nndu ashaa numa yakwa awore finya kita niń. Nań nta nkaṛiaa iboṛomua ngyuṛuumu ta faaru famwi ndi. Ye amubatisaa na Mumuyo Nsongori na muro.

Luka 6:35

Kake veń vandu va ikunda fituva fanu, veń vandu va itania vandu fisha na ivaakuya mutaveree iwiiṛio̱ kindo. Llyo na maṛe anu avaa meengi, neeni muvaa vana va ito akee ule ya foose. Amu ye ni wwoo aaviaa na akwaa walya vatamwaana na iwo vakasha.

Yohane 12:34

Kyasia vandu valya veeyoo vakamwata: Ise tamiita ifo uvavasoń sheeli Kristo akaa kumande miṛeṛe. A iwe kwarerań are: Kyawara Mwana wa nndu aroswa na ule? A Mwana to wa nndu yye iń?

Yohane 6:69

Neese tankukusura tikammanya sheeli iwe ni iwe Nsongori uu wa Iṛuva.

Mitanie ya varumi 16:17

Kasoṛa Paulo neese eekabaa kiṛoṛongyo eenumbuaa: Vandu va vvaṛundi va Iṛuva akee ule, nawo vakee imukwanisia shia ya ikiṛwa.

Mitanie ya varumi 2:30

Kyasia fulya ye akee mwauya fisuku, kamanya sheeli Iṛuva ammuliya ikite, sheeli kari ka kishuku kyamwi akarisaa umwi kifumbiń kyamwi kya unini.

Mitanie ya varumi 2:36

Kyasia iva woose va numba ya Isiraeli vamanyi ninsha, sheeli Iṛuva amaaṛua Yesu to mundenkabia nsalabeń ave Nndumi na Kristo.

Mitanie ya varumi 7:48

Kake ito akee ule ya foose akaa numba tantanwa na maako a vandu ndi, sheeli mwauya arerie:

Barua ya Varome 1:4

Kalolika na baa sheeli mMwana wa Iṛuva muni finya kwa mikae ya kiMumuyo Nsongori eeṛutwaa kwa vafu, yye Yesu Kristo Nndumi weru.

Urambuyo lwa Yohane 3:7

Na mwisi ulya wa siṛi ikee Filadelifia ntisiṛie: A fi firero mfo akee irera ito akee nsongori muni wa udede awore ufunguo lwa Davidi. Ito aruaa ateefo arayaa. Nae arayaa ana nta eefo amaa ndi. Na firero famwi mfo ifi: Niishi mitanie yafo.