Barua ya Yuda 1:4 - MMA SHIYYA

⁴ Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Yuda 1:4 ပူးပေါင်းရင်းမြစ်များ

Barua ya Vagalatia 2:4

Kake na vanavamae va wongo veeifoo vandekwata iwo vandeaka kwa kiṛisi, amu vaovie yotoṛwa lyeru tikee nalyo kari ka Kristo Yesu, amu vatiwiiṛe uketiń lwa uvavaso.

Barua ya Petiro ya kavili 2:10

Na mmwasi vvalya valatiaa mifurie ya wili veekuwaraa na milangie ya waaisi vakaila ushili lwa Iṛuva.

Barua ya Yohane ya mbele 2:22

Lingi ni i akee wa wongo kitaare ni ito akanaa Yesu akee Kristo? Ito yye mwima Kristo ulya akanaa Nde na Mwana.

Barua ya Petiro ya mbele 2:16

Kaań-fo sha vataue, neeli mukee vataue mutakikwaṛue sha vasikia fikasha. Kake manyiń sheeli mukee maketi a Iṛuva muni.

Barua ya Petiro ya mbele 2:8

Lingi ni ”iwe lya ikusiika na usuṛumate lwa ikwinyamiṛa“. Nawo vakee ikukaba kiimba kya ilea ikusura kirero, nafo mfo kuro vankirwaywa.

Barua ya Timoteo ya kavili 3:6

Amu kari ka iwo veefo vakwataa numbeń ta vandu na iwara vaka valya varie maṛio a mareko, variwa ni ilanga lya mikae miingi,

Barua ya Vagalatia 5:13

Vanavama, ini mundevaangwa muve vana va diṅu. Kake manya mutaaṛue diṅu yanu ive ilanga lya mivili yanu, kake elekaniń na ikundana!

Barua ya Petiro ya kavili 3:7

Kake iṛuvewu lya alli na isanga li fifisio̱ muro kwa kirero kilya kya Iṛuva fiiringwaa kumande nkonu wa uumisio wa ireta vandu valya vandelea Iṛuva.

Barua ya Yuda 1:15

amu aumisie vandu woose na ireta woose vawore beṛebeṛe kya mitanie yawo yoose ilya vayamareko wo vandelea nayo Iṛuva na kya firero fawo fa kirumu vandenrera nafo“.

Barua ya Petiro ya mbele 4:18

Na kwakooya ulya akee nsumani awore ngatara akie, a ulya atakusurie Iṛuva akee nrekwa nkwi akaa?

Barua ya Vaefeso 4:14

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo.

Mitanie ya varumi 15:24

Tamiita sheeli vandu vandeuka kweru vakasha na kwanu kitaare vanderumwa ni ise. Nawo vakamutuṛua na firero fawo na ifulua mirima yanu.

Mitanie ya varumi 11:23

Nae ili andemaa ifika kalolia wavi Iṛuva awaavia kafura nnu kaikimba woose vakuware na Nndumi na ngoo toore finya.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Matayo 13:25

Ili vandu vanderekya ruoń, kituva kyamwi kikasha kikaeeṛa mbeu ta masinde kari ka umbi kikaenda.

Urambuyo lwa Yohane 15:4

Ni i atakweṛeaa, ee Nndumi, ana ni i ataitikisaa irina lyafo? Amu iwe ku muni kukee Nsongori. Amu va masanga woose vashaa na ikuwoya iwe kisanguń kyafo. Fulya usumani lwafo lwammaa irambuka“.

Barua ya Timoteo ya mbele 5:8

Kake nndu woose atakee illa valya va kyeń kwamwi na kilanya va numba yamwi veni, ito ankana ikusura, lingi ni nkasha kita ulya atakusurie.

Barua ya Timoteo ya kavili 2:12

Kwakooya tisisiriaa, tishiliaa andu emwi nae. Kwakooya ise tankana, nae atikanaa.

Barua ya Petiro ya kavili 2:7

Kakiṛa Loti ulya eekee nsumani andenariswa nnu wweendo lwa vakasha wo.

Barua ya Yuda 1:18

Amu vandemuia sheeli: Kyeeri kya ifurumia vavaafo vandu va iteenda veesoṛaa ilanga lyawo veni lya ureti.