Barua ya Yuda 1:1 - MMA SHIYYA

¹ Niń Yuda nkee iketi lya Yesu Kristo na mwanamae wa Yakobo. Neesana vavaange valya vakee vakunde ni Iṛuva Nde na iringio Yesu Kristo.

Barua ya Yuda 1:1 ပူးပေါင်းရင်းမြစ်များ

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Vatesalonike ya mbele 5:23

Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa.

Barua ya Timoteo ya kavili 1:9

Yye uu andetikiṛa kativaangia fuva shisongori kitaare nkwa mitanie yeru ise, kake nkwa kiṛengo kya wafio lwamwi muni na uwoo lwamwi. Uwoo lo tindeniingwa nKristo Yesu kuuka mbooko.

Yohane 14:22

Yuda — kake ni Isikariote ndi — kamwia: Nndumi, kyava are ili kufurie ikworusa kweru da kitaare kwakworusa na isanga?

Barua ya Petiro ya mbele 2:9

Kake ini mukee ufwari lundesaulwa, mukee na varasia va umangi, mukee vayakyama kisongori, mukee vandu vataue, amu mukwanise mitanie ya unini ya ito andemuuta llemiń kamuvaangia langa yamwi ya maṛiikiso.

Barua ya Varome 1:1

Nniń Paulo nkee iketi lya Kristo Yesu, nndevaangwa vve nrumi, tindesaulwa vve nkwanisa mboni ya Iṛuva ya ifura.

Yohane 17:15

Nkee ikutereva amu kuvaute isangeń ndi, kake naamu kuvaringe Nkituva to nkasha.

Barua ya Petiro ya kavili 1:1

Niń Simon Petiro nkee iketi lya Yesu Kristo na nrumi wamwi. Neesana valya vawore ikusura limwi neese likee na uuru llia tindeniingwa ni Iṛuva weru muni usumani na nkiṛa Yesu Kristo.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vaebrania 3:1

Kwa ikyo, vanavama vasongori, mundevaangwa sha ise na ivaangwa lyukie iṛuvewu, imboyoń miso anu Yesu uu tikee inrambua sheeli ni nrumi na nrasia weru nnini.

Barua ya Varome 8:30

Na valya andevasaua wwo andevavaanga kuuka ilyo kala. Na iwo andevavaanga andevataalia usumani. Na iwo andevataalia usumani wwo andevaniinga unini.

Barua ya Varome 6:22

Kake alli mwantaulwa ifo usingeń lwa mareko mukava masinga a Iṛuva na mbusha yanu muwore ni iiliswa na numa muu wa miṛeṛe.

Barua ya Petiro ya mbele 1:2

Fulya mwandengio̱ ni Iṛuva Nde mwiliswa mMumuyo Nsongori, amu mukooye ikusura Yesu Kristo na ifwalio̱ usao lwamwi. Uwoo na unambwe feengeṛio̱ kwanu!

Barua ya Yakobo 1:1

Niń Yakobo nkee iketi lya Iṛuva na lya Nndumi Yesu Kristo. Neesana ngyufwari tilya ikumi na ivili tikee shinyanyate kari ka vayavaṛumu.

Barua ya Timoteo ya kavili 4:18

Nndumi eengeṛiaa ishiuta mitambweń yoose mikasha na ishikiṛa eeshifitaa umangiń lwamwi lwa iṛuvewu. Ye eetikiswa miṛeṛe na miṛeṛe! Amen.

Barua ya Vatesalonike ya mbele 2:12

amu mwende sheeli kyawara kwa Iṛuva andemuvaangia umangi lwamwi na unini lwamwi.

Barua ya Vaefeso 5:26

amu aiilisie Iṛuva eeisangyaa na mura wa ubatiso ukulunganisie na kirero kya Iṛuva,

Barua ya Vakorinto ya mbele 6:11

Na kinga kyanu mwikee vandu va mikae ii. Kake mwansangywa, lingi mwamiiliswa mukataalio̱ usumani kwa irina lya Nndumi Yesu Kristo na kwa Mumuyo wa Iṛuva weru.

Barua ya Vakorinto ya mbele 1:2

Ise na Sositene mwanamae weru teesana siṛi ya Iṛuva ikee ifo Korinto tiisanaa valya vamiiliswa ni Kristo Yesu iwo vandevaangwa vave vasongori andu emwi na woose vakee yarafuma irina lya Nndumi weru Yesu Kristo andu woose kwawo na kweru.

Barua ya Varome 16:18

Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa.

Barua ya Varome 9:24

Wwo ise andetivaanga, nta vvandu va Vayuda da ndi, na akwaa wayavaṛumu.

Mitanie ya varumi 27:23

Amu kio ki kya nnu malaika wa Iṛuva to niń nkee wamwi, nae yye nkee indundia andeshishea.

Luka 6:16

na Yuda wa Yakobo, na Yuda Isikariote, yye ulya andendiinga.

Mitanie ya varumi 20:32

Kyasia alli namurambikiań Iṛuva mukukaarise na kirero kyo kya ililia lyamwi. Ye amakii imusongovisa na imuniinga diṅu andu emwi na valya woose vamiiliswa.

Mitanie ya varumi 1:13

Neeli vandemaa yaka numba vakasaama kai alya veekaa. Nawo ni Petiro na Yohane na Yakobo na Anderea na Filipo na Toma na Baritolomayo na Matayo na Yohane wa Alufayo na Simon Selote na Yuda wa Yakobo.

Yohane 17:19

Na kiimba kyawo nakwilisa, naamu nawo vailiswa.

Yohane 17:17

Vailise na ikyo kikee dede! Na kirero kyafo nkyo ikyo kikee dede.

Yohane 15:16

Nta ni ini mundeshisaua ndi. Nniń nndemusaua na imuvavasa mwende mundevika nunda. Na nunda to tanu muvikaa tikaa matika woose. Na kyoose muterevaa Nde na irina lyakwa amuniingaa.

Yohane 12:26

Na ulya afurień ishiṛundia kyawara ashisoṛe na utomari. Na alya niń nkai wwo na iketi lyakwa likaa da. Na nndu kashiṛundia na utomari, Vaava wakwa amwitikisaa.

Yohane 6:39

Na kilya kikundio̱ ni ito ashirumie nkyo iki: Nkindo kyoose ankishiniinga, kaaṛa ntarete-wo nta kimwi. Kake nkiṛute nkonu wa ifurumia.

Mariko 3:18

Na valya vengi ni Anderea na Filipo na Baritolomayo na Matayo na Toma na Yakobo wa Alufayo na Tadayo na Simon Nkananayo

Matayo 10:3

na Filipo na Baritolomayo, na Toma na Matayo nsanyiṛya kyaalo na Yakobo wa Alufayo, na Lebayo eevaangwaa lingi Tadayo

Matayo 13:55

A uu mmwana wa mwaṛia ulya muvasha firi se? Na mae ni ito avaangwaa Maria ndi? Na vanavamae ni Yakobo na Yosefu na Simon na Yuda se?

Mariko 6:3

A uu ni ulya se eevashaa firi, nae mmwana wa Maria na mwanamae wa Yakobo na Yese na Yuda na Simon? Na vefuvamae wwo iva se vakee kweru? Vakava na ilomi kwamwi.

Barua ya Varome 1:6

Kari kawo neeni mwifo, fulya mwawaangio Yesu Kristo.

Barua ya Yuda 1:3

Vakunde, ili niikee itania utomari nnu imutisiṛia mboni ta ikia lyeru ise ti woose, nalolia sheeli kyanshiwara imutisiṛia niimwikimbaa, amu muvinganie ikusura lyo linderambikio̱ vasongori limwi nsi.

Barua ya Yuda 1:21

Kuringeń mu veni mwikaa na ikunda lya ikunda Iṛuva na iverea ililia lya Nndumi weru Yesu Kristo limurwaa muuń utakisiaa.