Barua ya Vafilipi 4:6 - MMA SHIYYA

⁶ Manya mutakwatare na kindo na kikava ki, kake filya muuṛi ongoyeń Iṛuva mwinterevaa na illembalemba andu emwi na imwaana.

Barua ya Vafilipi 4:6 ပူးပေါင်းရင်းမြစ်များ

Barua ya Petiro ya mbele 5:7

Fima fanu foose mumwekeṛie ye, amu amukusaṛiaa.

Matayo 6:8

Kyasiań namuia: Manya mutavakani nawo. Amu Nde yanu eeshi kilya kimutinye na kitaare mwammutereva.

Barua ya Vakolosai 4:2

Kuumiseń nnu kiterewoń, mulale rembo nakyo mwiaanaa.

Barua ya Vaefeso 6:18

Lungeń fiterewo fa mikae yoose na yomba mwiterevaa matika woose muwarani na Mumuyo na ilala rembo kiimba kya kiteveto kyo na isinda mwitereviaa vasaue woose.

Barua ya Vakolosai 3:17

Na foose mukee itana na firero ana na mitanie mutane mukuvavie na Nndumi Yesu mwiaanaa Iṛuva Nde!

Luka 18:1

Kavaia na sumu ya ivafunda, sheeli kyavawara vatereve Iṛuva mikonu yoose nta vatalemwa.

Luka 12:22

Kaia vanalosho vamwi: Kiimba kya iki namwia: Manya mutakwareese kya muu wanu mwinumbuaa, mulyaa ki, ana kya mivili yanu muṛaa ki.

Barua ya Vakolosai 3:15

Na unambwe lwa Kristo lushilie ngoo tanu, fulya unambwe ilu llo mwavaangio, amu mukee wili umwi. Muve na vandu vaana Iṛuva!

Barua ya Vaefeso 5:20

Na iva muve vandu vaana Iṛuva Nde kyeeri kyoose kiimba kya foose mwantanio̱ mukuwore na Yesu Kristo Nndumi weru.

Luka 10:41

Yesu kaaṛua kamwia: Iwe Marita, kwakwareesa nnu na iṛiikiswa mfindo fiingi.

Luka 18:7

A Iṛuva araa atafukiya iwo awasaua vakee illilia kio na nsanyiń, nae avatevese tubu?

Matayo 10:19

Na kwakooya vamufingyaa mwaandu, mutaṛiikiswa mfilya mureraa ndi. Amu muniingwaa finya murere kyeeri kyo kyeni.

Luka 12:29

Neeni manya mutaṛuye sheeli mulyaa ana kasa munwaa ana manya mutaawukwawukwa kiimba kyayo!

Barua ya Vakorinto ya kavili 1:11

Ifo neeni mwelekyanaa neese mwitereviaa, amu ililia lia lya Iṛuva tindelikooya kwa fiterewo fa vandu veengi livatomarise yaana Iṛuva kiimba kyeru.

Barua ya Vakorinto ya mbele 7:32

Nań mfurie muve na yatarika ndi. Ulya kitaare amaalika akee ikwareesa na mboni ta Nndumi kasa asenyaa Nndumi.

Barua ya Petiro ya mbele 4:7

Kake ifurumia lya findo foose lyansha kufui. Kyasia veń na uṛango mukaa kya umbuura, amu mumakii itereva.

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Barua ya Vakorinto ya mbele 7:21

A le kwavaangwa kukee iketi? Manya kutalolie nkikasha. Kake kwakooya kumakii ikutaua kutaue.

Matayo 6:34

Kyasiań mutakwareesye fa ndesi, fulya nkonu wa ndesi ukwareesaa na findo fayo. Nkonu woose ukufile na kima kyayo.

Barua ya Timoteo ya mbele 2:1

Kindo nkee imufunda kikee kwa ule nkyo iki: Veń vandu va iterevia vandu woose na ivaania kwa Iṛuva

Barua ya Timoteo ya mbele 5:5

Nka nsiketi nae asumani ni ulya akaa kyaanya kyamwi eekuwara na Iṛuva tabu na inkusura na intereva kio na nsanyiń.