Barua ya Vafilipi 4:4 - MMA SHIYYA

⁴ Fureń kyeeri kyoose, fulya mukee va Nndumi! Lingi namuia: Fureń!

Barua ya Vafilipi 4:4 ပူးပေါင်းရင်းမြစ်များ

Barua ya Varome 12:12

Fureń nnu, fulya mwishi kilya muveree! Sisirień ngatareń! Engeṛień itereva Iṛuva!

Barua ya Vafilipi 3:1

Lya ifurumia, vanavamae vakwa, fureń fulya mukee va Nndumi. Imutisiṛia kirero ikyo kimwi da kishaareesaa ndi, kake kimwelekaa ini mukukaarise.

Matayo 5:12

Fureń kyeseń! Amu maṛe anu mmeengi iṛuvewu. Mfo kuro vaumbuta na vaauya fisuku valya veemwiryee mbele.

Barua ya Petiro ya mbele 4:13

Fureń! Amu mukantaṅaṛia matuṛulo na Kristo mufuraa kya mmwasi na ikaba mindoṛo, ili unini lwamwi lulolikaa.

Mitanie ya varumi 16:25

Kake kyeeri kya kio masomukoń Paulo na Sila vakatereva Iṛuva na imwimbia fiimbo fa imwitikisa, na vafinge vengi veekee Vaaranya.

Mitanie ya varumi 5:41

Nawo vakasomuka kikweniń kilya na ifura, fulya vallolika sheeli vandesisiria isutwa kiimba kya irina lyo.

Barua ya Vagalatia 1:8

Kake kwakooya ise ti veni ana mmalaika wa iṛuvewu tamukwanisia ini nrumi ingi ya mikae yoose kitaare ni iyo tindemukwanisia, nndu woose atana kuro adengwa ni Iṛuva.

Barua ya Vakorinto ya kavili 6:10

Tikee sha vanarise, kake nkonu woose toore ifura. Tikee sha vakiva vatawore kindo, kake toore foose.

Barua ya Vafilipi 2:18

Mfo kuro da neeni fureń na ifura lyanu limulunge nań.