Barua ya Vafilipi 3:8 - MMA SHIYYA

⁸ Nkya dede nkee ikusaṛia sheeli findo foose mfa kitani, amu imanya Nndumi wakwa Yesu Kristo nkinini kita foose. Na kwa kiimba kyamwi ye nndetia-wo foose na ifiaṛua nkiṛi-nda, amu wware Kristo muni.

Barua ya Vafilipi 3:8 ပူးပေါင်းရင်းမြစ်များ

Barua ya Varome 8:18

Amu llolie sheeli matuṛulo a mikonu ii ya alli nkindo ili tia-ṅaṅanisaa na unini lua tiluoruswaa na baa ndi.

Mitanie ya varumi 20:24

Kake ifi fishieṛeesie ndi. Na akwaa mmuu wakwa nkindo kya uuru kwakwa ndi. Kindo llangie ni imarisia weendo lwakwa na miṛundie ilya nndeniingio̱ ni Nndumi Yesu ya irambua mboni shisha ya uwoo lwa Iṛuva.

Barua ya Vafilipi 3:7

Kake filya nndekooya mfa mbusha kwakwa, nafitaala fikava ureti kiimba kya Kristo.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Barua ya Vafilipi 3:10

Nań nimmanye ye na imanya imakii lya iṛuka lyamwi na ilungana na mavaviso amwi, amu wakaniswa nae, na akwaa ni ufu lwakwa luvakane na lwamwi,

Barua ya Petiro ya kavili 1:3

Imakii lyamwi lya ki-Iṛuva lyantiniinga filya foose fawara iva na muu wa dede na usha lwa dede liitimanyisaa ulya andetivaanga na unini lwamwi na usha lwamwi ye muni.

Barua ya Vakorinto ya mbele 2:2

Amu niikusaṛiee nta imanya kirero kimwi kwanu ndi kita Yesu Kristo, nae yye akabio̱ nsalabeń.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 14:20

Na nkonu to muni mumanyaa sheeli Tikulungie na Nde, neeni mukulungie nań, nań nkulungie neeni.

Barua ya Vaebrania 3:14

Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Yohane 14:7

Kikooye mweeshimanyaa niń, mwimanyaa na Nde da. Na kuuka alli mumwishi na illolia mwammulolia.

Barua ya Vaefeso 4:13

Kumande ise ti woose tifikiaa ikusura limwi na imanya nnu Mwana wa Iṛuva. Kuro llyo iva nndu asongoviswa, kumande tifikiaa unini lwa kyelelio kya usongovisi luukie kwa Kristo.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Barua ya Yohane ya mbele 1:3

Kyasia kilya tindekilolia na ikiita nkyo tikee imwongoya neeni, amu neeni mulungane neese. Na ilungana lyeru likee andu emwi na Nde na Mwana wamwi Yesu Kristo.

Barua ya Timoteo ya kavili 4:6

Amu niń kyanshishea iva kirasio na nkonu wa yawulwa lyakwa wansha kufui.

Yohane 20:28

Toma kamwaṛua kamwi a: Ee Nndumi, ni iwe Nndumi wakwa na Iṛuva wakwa!

Yohane 16:3

Na ifi vamutaniaa, fulya vateeshi nta Nde ana nta niń.

Barua ya Yohane ya mbele 2:19

Vamuuka kweru ise, kake veekee va kweru ndi. Amu kikooye veekee va kweru, veekaa andu emwi neese. Kake kindeva kuro, amu vamanyike na baa sheeli nta woose wa kweru, ndi.

Barua ya Petiro ya mbele 2:7

Neeni mulikusurie alli muniingwaa wavi lu luwore uuru. Kake valya vatakusuraa: ”Iwe li lindelewa watana numba llyo yeni lindevavia iwe inini lya wembe“.

Barua ya Vagalatia 1:16

ili andesenywa irambua Mwana wamwi kari kakwa, amu nkwanisie vayavaṛumu nrumi yamwi shisha. Nań nta nnderera mbele na vandu va vvili na usao ndi.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Barua ya Vakorinto ya mbele 9:10

Ana akee irera ifi kwa kiimba kyeru ndi? Ee kyatisiṛwa kiimba kyeru. Amu ulya akee irema shoonga nkisumani kwamwi areme eevereaa shoonga. Na ulya akee ikonunda mbeu kisumani averee ikooya wavi lwamwi.

Yohane 20:13

Nawo vakamwuṛa: Nkiki kikee ikulirisa, yeyo? Nae kavaia: Vamiimboo Nndumi wakwa, nań niishi kundo vandenrwaa nafo ndi.

Luka 11:20

Kake kwakooya ni nni wa Iṛuva naumbuta nato mimuyo mikasha, kyasiań na umangi lwa Iṛuva lwammaa imulikia.

Luka 1:43

Kyashuukia na kwi kirero ki, kumande mae wa Nndumi wakwa ashishee niń?

Barua ya Varome 8:39

ana finya ya iṛuvewu ule ana ikee kwa si ana fikava fitane fingi foose, nta kiifo kimakii itiraua na ikunda li lya Iṛuva afikundie nalyo litilunganisie na Kristo Yesu Nndumi weru ndi.

Barua ya Vafilipi 1:1

Ise Paulo na Timoteo tikee maketi a Kristo Yesu. Teesana vasongori woose va ifo Filipi vakuwore na Kristo Yesu. Teesana na vashili na vaṛundi va siṛi.

Barua ya Vafilipi 3:12

Nta nkee irera ifi sheeli nammaa ifiwara ndi ana sheeli nammaa isongovika ndi. Wode! Kake nkee ifisaṛikia akwaa mmakii ifiwara, mfulya nndewarwa nKristo Yesu.

Barua ya Petiro ya kavili 1:2

Uwoo lumwengeṛio̱ na unambwe mwammaa imanya Iṛuva na Nndumi weru Yesu.

Barua ya Petiro ya kavili 1:8

Amu kwakooya findo ifo fikee kwanu na ifumbuka, fimwelekaa ini mutave varoko ana mutatuṛe nunda ta imanya Nndumi weru Yesu Kristo.