Barua ya Vafilipi 3:19 - MMA SHIYYA

¹⁹ Mmando wawo ni ureti, ndewu yyo Iṛuva wawo, tikisi yawo iveendee usutu, wo kita findo fa isanga vakee ikusaṛia.

Barua ya Vafilipi 3:19 ပူးပေါင်းရင်းမြစ်များ

Barua ya Varome 16:18

Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa.

Barua ya Petiro ya kavili 2:3

Ili vawarwa ni ilanga masaa, vakukooiyaa mbusha kwanu na firero fa imulemba. Kake uumisio lwawo lukee udeeṛie kuuka mbele ana ivareta lyawo lisindaa ndi.

Barua ya Vakolosai 3:2

Kusaṛień kilya kikee ule, nta ifi fikee isangeń ndi.

Barua ya Petiro ya kavili 2:1

Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa.

Barua ya Vakorinto ya kavili 11:15

Kwa ikyo nta nkirero kinini ndi, vaṛundi wamwi nawo vakwaṛuaa sha maketi masongori, kake ifurumia lyawo tivakanaa na mashoṛa awo.

Barua ya Vakorinto ya kavili 11:12

Kake kilya nkee ikitana neengeṛiaa ikitana, amu nraye shia ya valya vakee iṛuya mwaanya wa ikuvakanisa nań veekushombaa wo veni.

Barua ya Petiro ya kavili 2:13

Vakooyaa maṛe asumani na ukasha lwawo. Unangwa lwa nsanyiń ni ifura lyawo fitawore kiṛengo ifo mamutuń awo.

Barua ya Vagalatia 6:13

Amu na akwaa ni iwo veni valya varine vairikie mavavaso ndi, kake vafurie ini murinwa, amu vakooye ukushombi lwa imwomuya taari yawo.

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Vakorinto ya mbele 3:3

Amu na akwaa ni alli mukee vandu va mikae ya vvili da. Amu kwakooya kwanu liifo iiria iriso na uṛiingi, a le mukee vandu va mikae ya vvili se mwiendaa kwa mikae ya kinndu?

Urambuyo lwa Yohane 22:15

Ifo wooṛo akaa makite na vasavi na vaaisi na vawaa na iwo vaindia maṛuva a wongo na valya woose vakundie wongo na iirera.“

Barua ya Yuda 1:16

Vandu va wańuńura na vaiyaiya na ilatia malanga awo. Na kana kawo karera firero finini fa ukushombi veekundiaa vandu kiimba kya mbusha valya vawore tikisi.

Barua ya Timoteo ya kavili 3:4

Kake vavaa vakabanisa na va nkuushu na vakushombi na vandu valatiaa ilanga lya wili kita ikunda Iṛuva.

Barua ya Timoteo ya mbele 6:5

na isuyana litawore mmando lya vandu vavakani sha vaworwa ni uketo vakwavie na udede. Wo vakee ikusaṛa sheeli iindia Iṛuva ni ikooya mbusha. Iwo va mikae yo lakana nawo.

Barua ya Vatesalonike ya kavili 2:12

amu vaumisio̱ woose, fulya vatandekusura fa udede, kake vandesenywa mfilya fikee fa ureti.

Barua ya Vafilipi 2:21

Amu woose vasoṛaa kilya kikee kyawo, vasoṛaa kilya kikee kya Kristo Yesu ndi.

Barua ya Vakorinto ya mbele 5:6

Ukushombi lwanu ni usha ndi. Mwishi se sheeli kidooka kinnya kidookisaa imbumbu lyoose?

Barua ya Vakorinto ya mbele 5:2

Neeni mukee ikushomba, nta ikunaria nta kinnya, amu autwa kari kanu ito antana kindo kyo ndi.

Urambuyo lwa Yohane 19:20

Na ifisi lia likawarwa andu emwi na mwauya ulya wa wongo ulya andetana maṛiikiso alya kisanguń kyayo, amu wwo andekaba nawo vandu nrwe valya vandewaria kiringisio kya ifisi lia na iindia fwana yayo. Iwo vali vavili vakakumbwa veefo na muu iruveń lia lya muro ukee yaka wa kibalabala.

Barua ya Yakobo 4:16

Kake alli mukee ikushomba na makusaṛo anu awore ukwishiki. Ikushomba lyoose lya mikae ii ni ikasha.

Barua ya Vatesalonike ya kavili 2:8

Io llyo muni urekwa ulya alolikaa. Nae Nndumi Yesu antuulaa na mumuyo wa kana kamwi na inreta kyeeri kyamwi kya isha kikamfika.

Luka 18:4

Nae kalleya mikonu miingi. Numa kakurera ifo nrimiń wamwi: Lla ili ntakusurie Iṛuva ana ntataalie nndu,

Luka 16:19

Yesu kakabia vandu sumu kanumbua: Eeifoo nndu isimba eeṛaa miseto minuru ya utoṛe kakaa na ifura mikonu yoose ya muu wamwi.

Luka 12:19

Llyo niiaań nrima wakwa: Nrima wakwa, kuwore mboṛa nini ya myaka miingi ishaa. Alli imuya, kukuliye shoonga, kukuniye wari, kukyese!

Matayo 25:41

Llyo mangi aiaa valya va uko lwamwi umbuyo: Ukeń ia kwakwa, ini vadenge! Mwende muroń utakisiaa undefisyo Satana na vamalaika vamwi!

Matayo 16:23

Yesu kaaṛukya Petiro kamwia: Uya numa yakwa, Satana! Kukee kituva kyakwa! Amu iwe kukee ikusaṛa mboni ta iṛuvewu ndi kita ikusaṛa ta kivandu da.

Urambuyo lwa Yohane 18:7

Na alya undekushomba na inyanyata masaa ayo wwo uniingeń mavavio na unari kwa kiṛengo kilya kilya. Fulya ureraa ngooń yayo: Neengeṛiaa iva mangi ya kika, ana nkee nsikeeti ndi, ana wwaraa unario kutu ndi.

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Varome 6:21

Kyasiań kyeeri kyo wwavi ki mwakooya? Alli fimwendie usutu, amu findo fo mbusha yayo ni ufu.

Barua ya Vatesalonike ya kavili 1:9

Nawo vakabwaa na imamisio̱ lya miṛeṛe na ilakaniswa na kisangu kya Nndumi na unini lwa finya yamwi,

Barua ya Yuda 1:10

Kake vandu sha iwo varumaa filya vatafiishi, na filya vafiishi kwa kimia sha mafisi atawore uṛango vakukasheesaa nafo wo veni.